Items filtered by date: Thursday, 20 August 2020

Tempotimor (Dili) - Hafoin ukun rasik-aan liuhusi prosesu luta tinan 24 nia-laran Forsa Armada Libertasaun Nasionál Timor-Leste (FALINTIL) sira foti papél ne’ebé importante tebes. Maski nune’e, hafoin ukun-aan sira ninia moris marjinalizadu tebes.

Durante luta barak mak mate iha kampu batalla no balun sei moris, no sira ne’ebé sei moris balun iha kondisaun moris ne’ebé mukit no kiak tebes.

Enkuantu iha era ukun-aan sira hahú sente iha mosu diskriminasaun ba sira. Tanba ema balun goza liu moris iha tempu ukun kompara ho sira ne’ebé luta durante tinan 24 nia-laran.

"Veteranu Falintil sira ne'ebé ohin loron sei ativa iha FALINTIL-FDTL la kontente ho sira-nia moris ne'e. Kona-ba sira-nia estatutu no direitu ne'ebé sira merese,” tenik nia, liuhusi nia diskursu iha komemorasaun loron FALINTIL ba dala XL, iha Kuartél Jerál, Fatuhada, Kinta (20/8)

Nia dehan, veteranu FALINTIL ne'ebé uluk funu tinan 24 nia-laran ba independénsia nasionál sira-nia estatutu no tratamentu hanesan funsionáriu públiku. Situasaun sai aat liu bainhira sira reforma, tanba ema la tau matan ba sira.

“Ita haluha sira-nia esforsu no sakrifísiu harii nasaun no Estadu ida ne'e," deklara Lere.

Ko'alia kona-ba osan, nia dehan, perdiem ba funsionáriu públiku sira hetan US$ 40 kada loron, maibé soldadu FALINTIL-FDTL sira hetan US$ 10 de'it, ne'e laiha ekilíbriu no veteranu sira ne'ebé too ohin loron sei servisu iha instituisaun FALINTIL-FDTL.

Bainhira konta karik veteranu sira ne’ebé sei ativu kontribui ona hodi serbí Estadu ne’e durante tinan 44, tinan 24 iha funu rezisténsia nia-laran no tinan 20 iha tempu independénsia nian.

Dala balun ho impase polítika ne'e polítiku, liuliu na’i ulun sira taka matan ba problema sira ne'e. haluha tiha katak ohin loron nasaun no Estadu ne’e iha tanba kontribuisaun boot husi lider istóriku hamutuk ho veteranu FALINTIL sira. (*)

VIDEO PUBLISIDADE MAUN BO'OT XANANA GUSMAO IHA KOMBATE COVID 19 

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

https://www.youtube.com/watch?v=0uXuwzjCkMk&feature=youtu.be

Tempotimor (Dili) - Relasiona ho selebrasaun loron Forsa Armada Libertasaun Nasionál Timor-Leste (FALINTIL) ba dala XL, Prezidente Repúblika (PR), Francisco Guterres Lú Olo, husu ba instituisaun F-FDTL atu kontinua mantein obra FALINTIL iha vida militár.

Tempotimor (Dili)-Xefe Estadu Maiór Jenerál FALINTIL-FDTL, Major Jeneral Lere Anan Timur, durante ne'e sai protagonista ba kestaun otonomista, maibé hanoin hirak ne'e hahú muda-aan. Lere ne'ebé preokupa makaas kona-ba ema autonomista sira no nia jerasaun sira hahú moderadu.

Tempotimor (Dili) - Xefe Estadu Maiór Jenerál FALINTIL-FDTL, Major Jeneral Lere Anan Timur hateten, veteranu sira daudaun ne'e kria distansia ba malu sei loke espasu ema seluk atu bele tama klaran hodi aproveita sobu unidade.

Tempotimor (Dili) - Komemorasaun loron Forsa Armada Libertasaun Nasionál Timor Leste (FALINTIL) ba dala XLV, la marka prezensa husi eis-Vise Komandante Em Xefe das FALINTIL, Taur Matan Ruak, tanba kondisaun saúde la permite.

Tempotimor (Dili) - Xefe Estadu Maiór Jenerál FALINTIL-FDTL, Majór Jenerál Lere Anan Timur husu ba governu atu kria lei ne'ebé rigorozu ba grupu arte-marsiál no arte-rituál tanba konsidera sai ameasa ba futuru nasaun nian.

Tempotimor (Dili) - Xefe Estadu FALINTIL-FDTL, Majór Jenerál Lere Anan Timur, rekomenda ba governu atu tinan-tinan iha orsamentu ketak ba veteranu sira, inklui halo uma dignu ba sira.

Mensajen ne'e Jenerál Lere hato'o bainhira halo diskursu iha Selebrasaun loron FALINTIL ba dala XL ne'ebé realiza, iha Kuartél Jerál, FALINTIL-FDTL, Fatuhada, Dili, Kinta (20/8).

"Ami fó rekomendasaun ba governu atu loron 20 de Agostu sai loron nasionál, atu Estadu no Governu halo lei atu garante veteranu sira-nia futuru, oan no be oan sira hetan direitu no regalia, tanba aman-inan sira-nia kontribuisaun boot ba libertasaun nasionál," dehan Lere.

Nia husu ba governu atu harii uma ne'ebé dignu ba veteranu sira liuhusi alokasaun orsamentu kada tinan, nune'e hanesan parte dignifika luta veteranu nian durante okupasaun kolonializmu.

"Tinan-tinan iha orsamentu estadu, iha nafatin fundu harii veteranu sira-nia uma ka fatin ne'ebé dignu," dehan Lere.

Nia hatutan, durante selebrasaun loron FALINTIL liuhusi Tour FALINTIL hasoru malu mós ho luta na’in sira, haree mós kondisaun moris veteranu sira moris terus no susar. (*)

PUBLISIDADE HUSI MOP FO PARABENS BA LORON FALINTIL

Tempotimor (Dili) - Xefe Estadu Maiór Jenerál FALINTIL-FDTL, Majór Jenerál Lere Anan Timur, konsidera dezenvolvimentu iha rai laran la la’o tanba veteranu luta na’in sira fahe malu iha tempu prosesu konstrusaun nasaun nian.