Login to your account

Username *
Password *
Remember Me

Portu Baia Tibar Atinje Pursentu 72, Sei Fasilita Konetividade Maritima iha Azia

Edifisiu  MInisteriu Finansas. Edifisiu MInisteriu Finansas. Foto Suplay

Tempotimor (Díli)-Ministru Finansas (MF), Rui Augusto Gomes hatete, konstrusaun Portu Tibar dadaun ne’e atijen ona pursentu 72 (72%), bainhira kontrusaun remata sei fasilita Timor-Leste nia konetividade Marítima iha rejiaun Ázia.

“Portu foun modernu ne’e sei fasilita Timor-Leste ninia konetividade marítima iha rejiaun Ázia, liga ita-nia país ba merkadu komérsiu globál no mellora ita-nia asesu komérsiu ba merkadoria sira hanesan agrikultura, turizmu, peska, pekuária nomós indústria sira seluk-dalan ida atu ajuda Timor-Leste diversifika ninia produsaun”, dehan Ministru Rui iha pájina ofisiál ne'ebé www.tempotimor.com iha tersa (22/02).

Progresu kumulativu ba konstrusaun Portu Baía Tibar to’o iha loron 31 dezembru 2021 atinje ona 72%. Governu Timor-Leste liuhusi Escrow Account Fundu Viabilidade ne’ebé jere husi Ministériu Finansas, hahú husi Agostu 2019 to’o dezembru 2021, dezembolsa ona pagamentu Viability Gap Fund (VGF) ho montante millaun $84,1 ba kompaña Timor Port S.A, ne’ebé mak hanesan konsesionáriu projetu Parseria Públiku-Privada (PPP) Portu Baía Tibar.

Konstrusaun Portu ne'e Ossu importante ida ba Ministériu Finansas iha ámbitu Fiskál no jestaun Finansas públiku.

“Efisiénsia hirak ne’e konsidera hanesan pasu importante ida ba Ministériu Finansas iha ámbitu Reforma Fiskál no Jestaun Finansas Públiku-prioridade xave ida husi Programa Oitavu Governu Konstitusionál. Efisiénsia hirak ne’e mós sei ajuda Governu liuhusi Ministériu Finansas atu kolekta reseitas ho lais, justu no transparente”, afirma nia.

Konstrusaun Portu Baía Tibar ho modalidade PPP husi parseria entre Governu Timor-Leste ne’ebé aloka millaun $130 iha Fundu Viabilidade (VGF) no Timor Port, subsidiáriu husi Bolloré ho millaun $150, hamutuk millaun $280 ba faze inísiu husi totál investimentu estimativu millaun $500 ba tinan 30.

Daudaun ne’e, totál traballadór-sira ne’ebé mak servisu iha projetu konstrusaun Portu Baía Tibar hamutuk 949. Husi númeru ne’e, traballadór Timoroan hamutuk 579 (61%).

Relasiona ho dezenvolvimentu konteúdu lokál, to’o iha dezembru 2021, kompaña konstrusaun China Harbour sub-kontrata ona servisu balun ba kompaña lokál 69 ho montante millaun $21,2 no Timoroan hamutuk 392 mak servisu indereita ho kontratór hirak ne’e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter