Tuir informasaun ne’ebé www.tempotimor.com asesu iha pájina ofisiál World Health Organization Timor-Leste katak, aprovasaun ne’ebé halo iha loron 15 fulan-dezembru 2021 husi parlamentu Nasionál
“Parabéns ba Governu Timor-Leste ne’ebé aprova ona hodi hasa’e taxa ba tabaku no bebidas Álkool (tua) iha 15 dezembru 2021 liuhusi Parlamentu Nasionál no públika iha Jornal da República iha loron 3 Janeiru 2022”, hatete OMS iha pájina World Health Organization Timor-Leste.
Iha aprovasaun ne’e, artigu 6.5, iha tinan 2022 taxa impostu seletivu ba tabaku no bebidas Álkool (tua) aplikavel ba serveja malte ho konteudu Álkool 4.5% agora taxa sae ba $2.70 kada litru no ba serveja malte ho konteudu Álkool ne’ebé aas liu taxa sae ba $4.50 kada litru.
Nune’e iha artigu 6.6, taxa impostu seletivu aplikavel ba tua ka vinho, vermute (ka tua midar) no bebida fermentadu sira seluk, taxa sae ba $4.50 kada litru.
Ba artigu 6.7, taxa impostu seletivu aplikavel ba tabaku, agora sa’e ba $50 kada kilograma. Lei ida ne’e hahú ona implementa dezde inisiu tinan foun 2022. (*)