"Ita kopera malu nafatin ho sira (MAP) para sira bele hadi'a ou halo rekonstrusaun depende ba Ministéiru Agrikultura, ita nia hakarak hadi'a par sustenta ba povu bele halo natar," dehan Isencinio ba www.tempotimor.com iha kna'ar fatin vila antiga, Baukau kinta (17/02).
Tanba, natar barak ne'ebé mak pertenese ba irigasaun sobabere (seiçal) kuaze abandona durante tinan-15 nia laran, iha tinan-2021 natar hektar balun komesa hahú funsiona fali, maibé balun kontinua abandona.
Tanba ne’e, sei esforsu halo kontaktu ho MAP atu hadi'a hikas irigasaun, tanba natar mak iha potensialidade ba komunidade.
"Balun (natar) la submete ba irigasaun ne'e barak, ita sei haree dadus sira ne'e, maibé iha ne'eba (natar pertense irigasaun sobabere) ita bele dehan, 370 (hektar) hanesan ne'e, sura husi sobabere leten tun mai iha Buruma, Buruma de'it ita labele halo hotu, tanba bee," nia hatete
Nune'e mós sei kopera ho entidades sira iha Munisípiu Baukau atu identifika setór importante sira hanesan sitiu turizmu hodi hato'o ba Ministéiru relevante atu dezenvolve.
Enkuantu tuir demografia Postu Administrativu Baukau Vila iha suku 11, totál populasaun husi hamutuk 57.009 no komunidade ne'ebé moris ho Agrikultura hamutuk 32.432. (*)