Login to your account

Username *
Password *
Remember Me

MAPKomS Prefere PN Bolu MOP Klarifika Problema Infraestrutura

Ministru Asuntu Parlamentar no Komunikasaun Sosiál (MAPKomS), Francisco Martins Jerónimo. Ministru Asuntu Parlamentar no Komunikasaun Sosiál (MAPKomS), Francisco Martins Jerónimo. Foto Suplay

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, prefere Parlamentu Nasionál (PN) bolu Ministériu Obras Públika (MOP), Salvador Pires atubele klarifika direta problema infraestrutura ba deputadu sira.

“Primeiru atu halo esklaresimentu oituan ba saida mak deputadu sira foti, kona-ba infraestrutura. Ha’u hanoin hanesan horisehik señor Prezidente Parlamentu Nasionál deklara iha parlamentu ne'e katak di'ak liu bolu Ministru Obras Públika mai iha ne'e atu ko'alia diretamente ho deputadu sira atu halo esklaresimentu ne'ebé ho loloos liu kona-ba saida de'it mak durante ne'e sai preokupasaun deputadu sira-nia iha parlamentu nasionál”, dehan Ministru Francisco iha plenária PN, tersa (15/02).

Tanba preokupasaun no rekomendasaun ne'ebé deputadu sira foti inklui pojetu sira ne'ebé mak legal no ilegál, nomós projetu sira ne'ebé mak seidauk halo, abandonadu, atu nune'e bele hetan klarifikasaun loloos husi Ministériu Obras Públika.

“Ida ne'e di’ak liu enkuantu ami nafatin asume ami-nia kna’ar atu fó nafatin informasaun, relatóriu ho saida mak deputadu sira foti ba ministériu hothotu, ne'ebé ida ne'e parte ida ke di'ak liu”, hatete nia.

Ba preokupasaun ne'ebé deputadu sira foti, mak MAPKomS hakarak deklara katak, iha Konsellu Ministru mós ministru sira mós halo diskusaun no informa ba malu kona-ba saida mak deputadu sira foti, liliu hanesan MAPKomS nia parte sempre informa ba Ministru sira.

Maibé ko'alia kona-ba projetu, MAPKomS hakarak hatete ba deputadu sira katak buat ne'ebé mak atu halo iha tinatinan, ne'e iha kna’ar orsamentu ne'ebé mak alokadu ba kada projetu ne'ebé mak alokadu duni.

Tanba ne'e, konkorda ho intervensaun husi Deputada bankada CNRT, Fernanda Lai, ne'ebé hatete projetu sira ne'e mak deputadu sira buka tuir, tanba saida mak seidauk halo, agora sé ba fali ho projetu sira ne'ebé mak emerjénsia ne'e buat emerjénsia ida.

“Ita ko'alia ba emerjénsia ne'e emerjénsia, bee agora projetu ne'ebé progamadu atubele halo iha tinatinan, ha'u hanoin ida ne'e ita tenke ko'alia, husu tuir ba to'o iha ne'ebé, karik iha abandonadu, halo nusa, tanba saida, razaun saida”, dehan nia.

Ba empreza ne'ebé deputada foti, ezemplu kona-ba konstrusaun Kampu Futebol Manatutu iha tinan 2016, Governu rekoiñese, maibé la'ós mak Manatutu de'it, ida mós Estadiu Munisípiu Dili nian, to'o oras ne'e abandonadu tanba emprezáriu hetan ona pagamentu maibé abandona servisu.

“Sira ne'e hotu, ha'u hanoin di'ak, karik señor Ministru Obras Públika rasik ho Ministru Ordenamentu Teratoriál, sira mai rasik para bele halo esklaresimentu di'ak liu ba deputadu sira”, hatete nia.

Prezidente Parlamentu Nasionál (PN), Aniceto Longuinhos Guterrea Lopes hatete, sira sei konvida Ministru Obras Públika atu klarifika no esplika kestaun infraestrutura ne'ebé dadaun sai preokupasaun deputadu sira-nia.

“Seú Ministru, Parlamentu preokupa tebes kona-ba kestaun sira infraestrutura ninian e ami sei konvida Ministru Obras Públika mai iha Parlamentu atu esklarese de'it ba situasaun ne'e. Iha tempu sira tuir ami sei konvida”, promete Aniceto. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter