Tuir informasaun ne'ebé www.tempotimor.com asesu iha pájina ofisiál SEKOOP, sábadu (12/02) katak, SEKOOP halo reuniaun konsultivu daruak ba tinan 2022 ne'ebé ko'alia kona-ba preparasaun implementasaun programa sesta bázika ba Munisípiu sira.

Ba Munisípiu ualu ne'ebé responsabiliza husi SEKOOP hanesan Covalima, Ainaro, Manufahi, Aileu, Manatuto, Baukau, Vikeké, no Lautein.

Alende ne'e SEKOOP mós ko'alia kona-ba planu assaun annual ba tinan fiskál 2022 nian ne'ebé mak sei implementa fora husi Sesta Bázika.

Iha reuniaun konsultivu ne'e ida diresaun iha Sekretária Estadu Kooperativa hato'o nia relatóriu servisu durante fulan-janeiru nian no traduz planu ba futuru nian.

Sekretáriu Estadu Kooperativa, Elizário Ferreira agradese ba kargu xefia no funsionáriu sira, durante nia moras no baixa iha ospitál, balun ba vizita direita no balun liuhusi halo orasaun hodi nune'e bele rekupera lalais husi moras.

Partisipa iha reuniaun ne'e hanesan, Diretór Jerál Kooperativa, Xefe Gabinete SEKOOP, Diretór Nasionál no Xefe Departamentu, nomós asesor sira. (*)