“Lista ne'e purvolta atustolu-resin (300) maibé tanba lista barak mak seidauk inklui, nune'e sei prosesu hela, maibé, sei hadi’a fali lista sira balun ne'ebé mak seidauk submete mai”, dehan Belo ba www.tempotimor.com iha nia kna’ar fatin, Palásiu Governu, kuarta (09/02).
Dadaun lista ne'ebé mak iha ona Diresaun Nasionál Diseminasaun Informasaun (DNDI) ne'ebé mak rekolla ona hamutuk 280-resin maibé seidauk rekolla hotu.
“Entaun ami sei hela naran balun sira ne'ebé mak seidauk hadi’a hanesan Rádiu Televizaun Timor Leste (RTTL), sei hadi’a filafali, no balun ne'ebé ami sei hadi'a”, informa nia.
Lista sira ne'e mai husi mídia privadu sira, no mídia Estatál sira iha Timor-Leste no Rádiu Komunidade sira iha Timor laran tomak.
Jornalista sira ne'ebé mak hetan subsídiu, tanba durante iha tempu pandemia Covid-19, halo kobertura iha fatin risku hanesan iha fronteira, ospitál, Sala Izolamentu inklui mós Kuarentena. (*)