"Liña frente prosesu hotu ona, prosesu iha ona Ministériu Finansas hotu, agora iha ne'e despaixu ha'u halo hotu ona, prosesu iha parte ne'e iha hotu ona Finansas ona, agora hein, halo nusa mak prosesu fianasas nia”, dehan Ministru Francisco, iha Gabinetee MAPKomS, Palásiu Governu, Palásiu Governu, kinta (03/01).
Mesmu lista jornalista ba tiha ona iha Ministériu Finansa mais tenke liután iha Sekretáriadu tékniku Covid-19 ninia atubele halo verifikasaun pois halo pagamentu no ida ne'e mak prosesu la'o hela.
"Ha'u sempre dehan beibeik, prosesu mak la'o hanesan ne'e, agora lei ne'e mós ita atu prepara la'ós fasil, aprovasaun ita tenke lori ba PR fulan ida, agora promulga tiha tenke mai fali ita la'o tuir prosesu normál, no agora tama tiha ona iha finansas agora hein ikus nia”, esplika nia.
Bainhira mak ninia ikus ne'e la'ós ona kompeténsia MAPKomS maibé ne'e Ministeriu Finansas mak responsável.
"Prosesu pagamentu ne'e mak ha'u dehan la'o too ona iha MF, agora bainhira mak ninia ikus ne'e la'ós ona ha'u-nia kompeténsia ona, ne'e iha finansas ona, tanba ami-nia prosesu mak halo identifikasaun, verifikasaun, depois aprovasaun lista pois haruka ba MF atu prosesa ikus kona-ba pagamentu ne'e”, dehan nia.
Entretantu benifisiáiu kuaze atus-haat-resin mak sei hetan subsídiu, ne'e kompostu husi mídia Estatal no mídia privadu. (*)