Print this page

EDTL Garante Eletrisidade Sei Kobre Suku Hotu iha Tinan 2022

By January 31, 2022 803
Prezidente Konsellu Administrasaun Eletrisidade Timor-Leste (EDTL.EP), Paul Silva. Prezidente Konsellu Administrasaun Eletrisidade Timor-Leste (EDTL.EP), Paul Silva. Foto Tempo Timor

Tempotimor (Díli)-Prezidente Konsellu Administrasaun Eletrisidade Timor-Leste (EDTL.EP), Paul Silva hatete, nia garantia ona katak tinan 2022 suku hotu iha territóriu nasionál Timór laran tomak asesu ba eletrisidade no tinan 2023 sei halo instalasaun iha aldeia sira ne'ebé mak seidauk asesu ba eletrisidade.

“Ita espera katak tinan ida ne'e ita lansa iha suku hothotu e depois, fim de ano iha tinan oin, tama ba aldeia sira”, dehan Prezidente EDTL iha nia kna’ar salaun enkontru EDTL, segunda (31/01).

Tanba iha tinan 2021 konsege halo instalasaun ba Eletrisidade iha pakote 55 no tinan 2022 iha tan pakote 21 iha Munisípiu sira.

"Sim ha'u atu esplika, ita iha pakote primeiru hamutuk pakote 14 husi pakote 34 ne'e ita kobre iha 22 ne'ebé foun foin mak instala atu asesu restu aldeia ida ka rua balun asesu tiha ona”, afirma nia.

Maske iha fizikamente seidauk iha eletrisidade maibé prosesu aprovizionamentu tenke finaliza iha tinan 2022 atu nune'e suku sira bele hetan eletrisidade iha sira-nia suku.

"Implementa fízika finaliza hotu, mais prosesu aprovizionamentu ita Finaliza hotu kedas iha tinan ida ne'e e hahú instala kuandu Kompaña manán ona tinan ida ne'e instala ba hothotu e depois espera katak iha fim tinan ida ne'e maioria suku ne'e hothotu hetan ona e restu inisiu tinan oin ne'e instala hotu hetan ona,  e suku hothotu tenke garantidu kobre, para tinan 2023 ne'e suku hotu hotu 100% asesu eletrisidade”, haktenik nia.

kuandu veteranu ka indivídu balun mak halo impedimentu ba instalasaun Eletrisidade iha sira-nia suku Ekipa tékniku EDTL prontu husik hodi hakat ba suku seluk ne'ebé mak hein hela eletrisidade durante tinan tinan 20 nia laran.

"Prosesu regra leis ami instituisaun tékniku halo tuir regra, tékniku regra ne'ebé haruka, tanba ne'e prosesu tomak ita loke konkursu, para Timoroan merese atu tuir hotu, se mak mak manán nia implementa mas no kazu, iha suku ruma iha indivídu sira mak autoridade ka populasaun maka halo impedimentu ami tenke ba filafali suku seluk, kikinifika iha impedimentu ami husik, ba fali suku seluk tanba impedimentu hein hela se nia lakohi koopera, nia impede fali ami lori ba suku tanba populasaun hein hela durante tinan 20 seidauk asesu ahi”, relata nia.

Tanba misaun Eletrisidade de Timor-Leste (EDTL) la'ós defende indivídu nia hakarak maibé populasaun sira ne'ebé mak tinan 20 ona seidauk asesu ahi ne'e nia direitu.

"Aproveita tempu aproveita oportunidade ida ne'e atu informasaun atu apela, ba hothotu populasaun hein tinan 20 liu ona la asesu ba eletrisidade, ami iha misaun atu lori ahi ba populasaun sira ami laiha misaun atu lori ahi ba indivídu ou ami defende populasaun atu asesu ba ahi, la defende ema ida ema rua nia interese”, afirma nia.

Tanba ida ne'e mak EDTL,E.P. ho kompaña manán na’in ba Programa Eletrifikasaun Nasional (PEN) ba tinan 2022 ida ne'e nian bá pakote segundu nian.

"Agora iha faze segundu ita lansa tan, konkursu ita iha 44 pakote, ne'ebé kobre suku 17 entaun hatudu katak 55 ita atu kobre e iha faze tuir mai iha suku 21 mak agora tékniku sira halo hela levantamentu, no espera katak iha Marsu ka Abríl hanesan ne'e konklui ona dezeñu BoQ (Bill of Quantity) sasán sira ne'e hotu para ita lansa tan suku 21 ne'e”, dehan nia.

Diretór Kompaña Aitula, Silveiro Pereirra ‘Maubere’  ne'ebé mós sai manán na'in sei dada ahi mediatensaun no instalasaun ba komunidade sira-nia uma.

"Hetan asina kontratu iha postu Atsabe, ninia lokalizasaun iha Suku Parami, nia sei dada ahi mediatensaun, ho nia konesaun ba komunidade sira nia uma, para hetan hotu ahi”, hatete nia.

Aitula furak garante katak veteranu ho komunidade sira koopera hamutuk hodi, iha prosesu instalasaun Eletrisidade ba komunidade sira.

Orsamentu ba instalasaun Eletrisidade iha Suku Parami hamutuk rihun-60 ho durasaun instalasaun durante fulan lima. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items