“Ró haksolok Señor Xanana ninian, ho Señor Pedro Lai eis-Ministru, sira mak asina kontratu, e sé mak ezekuta kontratu ida ne’e, prezidente doutor Marí Alkatiri, primeiru Prezidente, ezekusaun to’o pursentu 80, iha problema krize iha Portugal, krize ekonómia. Entaun ha’u hakarak hatete dehan buat ne’e tenke halo hotu, ho apoiu doutor Marí nian, no Governu sentral, buat ne’e sei hotu”, dehan Bano iha Parlamentu Nasionál, sesta (28/01).
Bainhira akontese krize ekonomia iha Portugal, iha Timor-Leste mós enfrenta problema kona-ba prezidente Autoridade RAEOA ninia lideransa, tanba iha momentu ne’e, José Luis Guterres troka Mari Alkatiri hodi assume hikas kargu durante fulan-ualu servisu lala’o tanba laiha autoridade ida mak servisu ho nia, nomós aumenta problema covid-19.
Ho situasaun ida ne’e, nu’udar prezidente autoridade foun ho apoiu husi Mari Alkatiri no Governu Sentrál, iha obrigasaun sei halo hotu servisu ida ne’e, tanba estadu investe ona 80 pursentu.
“Iha Portugal iha krize be Siglono, ke estraga buat ne’e ita tenke hadi’a, responsabilidade RAEOA no tanba povu Oekussi mós hein hela ida ne’e”, esplika nia.
Dadauk parte RAEOA sei koko atu solusiona uluk estaleru, nune’e bele hadi’a Ró Haksolok, tanba ró iha bainhira estaleru laiha, Ró Haksolok sei labele hadi’a. (*)