Print this page

MTKI Konsidera Kooperativa Importante ba Dezenvolvimentu

By January 28, 2022 694
Ministru Turizmu Komersiu Industria (MTKI), Jose Lucas do Carmo. Ministru Turizmu Komersiu Industria (MTKI), Jose Lucas do Carmo. Foto Tempo Timor

Tempotimor (Díli)-Ministru Turizmu Komersiu Industria (MTKI), Jose Lucas do Carmo, konsidera kooperativa importante no sai issu baze fundamentál prosesu dezenvolvimentu rai laran hodi hodi suporta ekonomia familia ki'ik sira.

“Intervensaun ohin ema nome do Ministru Koordenadór Assuntu Ekonómika (MKAE), Ministru Turizmu, mai halo abertura e mensagem importante mak ne'e katak Kooperativa pontu importante sai issu fundamentál, ba prosesu dezenvolvimentu ekonomia iha Timór atu haforsa ekonomia familiar bele mós ekonomia iha área rurál sira”, dehan Ministru Lucas iha Salaun Canosa Has Laran, sesta (28/01).

Tanba ne’e, membru kooperativa sira, hodi hatene Sekretária Estadu Kooperativa nia planu annual ba tinan 2022 ne'ebé mak sei aplika.

“Ba eventu ida ohin ninian hanesan ita-boot sira bele nota iha ne'ebá, eventu ida ne'e hanesan inisiu do ano Sekretária do Estadu halo konsolidasaun ba membru no movimentu kooperativa hotu, hodi mai intende didiak planu no estratéjia polítika e nune'e mós informasaun ruma ne'ebé mais tékniku husi Sekretária Estadu Kooperativa hakarak fahe ba movimentu kooperativa sira em partikularmente lideransa sira mak iha ne'e, ne’e duni importante tebes iha faze, inisiu do anu, molok implementasaun programa”, informa nia.

Diretór Jerál Sekretáriu Estadu Kooperativa (SEKOOP), Francisco Xavier, formasaun ba lideransa kooperativa sira hodi akompaña prosesu dezenvolvimentu iha área kooperativa nian.

"Ha'u hanoin katak semináriu formasaun ida ne'e Parte ida atividade SEKOOP ninian ne'ebé mak realiza, loron ohin, nia objetivu mak oinsá partilla informasaun ba lideransa kooperativa sira, hodi akompaña prosesu dezenvolvimentu liliu ba kooperativa sira”, dehan nia.

Nune'e mós SEKOOP sei aprezenta planu asaun anual hodi kontinua serbisu hamutuk ho kooperativa sira liliu planu asaun ne'ebé mak Parlamentu Nasionál aprova tiha ona.

“Ha'u-nia hanoin planu ne'ebé mak ami liliu planu ne'ebé mak hetan aprovasaun husi Parlamentu Nasionál (PN) katak planu lubuk ida ne'ebé mak ami sei ezekuta, liliu ba formasaun konsolidasaun monitorizasaun sira ne'e ami halo iha tinan ida ne'e atu nune'e oinsá atu hametin kooperativa iha futuru oin mai para sira konstribui ba dezenvolvimentu iha rai laran”, hatutan nia.

Partisipasaun iha Serimónia formasaun ne'e mai husi lideransa kooperativa sira hamutuk 300-resin, ne’ebé partisipa serimónia Formasaun durante loron rua, tópiku planu estratéjiku dezenvolvimentu Kooperativa, polítika Oitavu Governu Konstitusionál no pmanubasaun anual SEKOOP ho nia lema “ita-nia kooperativa ita nia dignidade no ita-nia futuru”. (*)

Rate this item
(0 votes)
Last modified on Friday, 28 January 2022 18:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items