"Hanesan ne'e, RAEOA tuir lei númeru 3 ne'e, konta RAEOA mós konta estaEu, tanba RAEOA ne'e hamri’ik bazeia ba lei númeru 3, ne’ebé mak estabelese RAEOA no ZEEMS, lei númeru 3 fó kompeténsia autonomia finanseira ho administrativa patrimoniál. Entaun esplikasaun ba Tribunál konta ne'e hanesan ne'e, laiha violasaun ba kualker lei ida ba tuir pergunta ida ne'e”, dehan nia iha Parlamentu Nasionál, sesta (28/01).
Ba kestaun ne'e, Tribunál Konta rasik haruka ona rekomendasaun no pergunta ba Autoridade RAEOA atu fó resposta, maibé teknikamente RAEOA halo ona re-auditória no fó ona resposta.
Purtantu deputadu sira mós kaer ba rekomendasaun no pergunta husi Tribunál konta, tanba RAEOA nia esplikasaun ne'e ba de'it Tribunál konta, ho ida ne'e mak RAEOA deside fó informasaun mós ba deputadu sira atubele hatene.
Durante hala'o audénsia ho Komisaun C ba kontra OJE RAEOA iha tinan 2020, deputadu sira levanta preokupasaun, kona-ba atrazu relatóriu husi RAEOA nian ba tribunál konta ne'e tama iha loron 1 fulan-juñu 2021, tanba tuir oloos ne'e, relatóriu tenke hatama antes loron 31 fulan-maiu 2021 ne'e.
Iha momentu ne'eba, RAEOA hatama atraza tanba loron 30 ho maiu ne'e monu iha loron sábadu ho domingu, entaun parte RAEOA deside hatama ba Tribunál konta iha loron 1 fulan-juñu. (*)