Login to your account

Username *
Password *
Remember Me

IFC Hakarak Halo Servisu iha Timor-Leste ho Kualidade

Reprezentante Internasionál Finansas Kooperasaun (IFC), David Freedman. Reprezentante Internasionál Finansas Kooperasaun (IFC), David Freedman. Foto Tempo Timor

Tempotimor (Díli)-Reprezentante Internasionál Finansas Kooperasaun (IFC), David Freedman hatete, sira hakarak servisu ba projetu sira iha Timor-Leste ho kualidade.

“Ami-nia hakarak katak ita bele realiza iha tinan ida ne'e maibé ita mós serbisu ho kualidade entaun labele la'o tuir dalan korta ita buka entaun ita prepara projetu ho di'ak assuntu sira ne'e hotu loos ona, tanba ne'e mak foin halo konkursu, mais ohin diskute ho Primeiru Ministru oinsá ita bele aselera serbisu sira ne'e”, dehan David Freedman ba jornalista sira hafoin halo reuniaun ho Primeiru Ministru Taur Matan Ruak iha palásiu Governu, tersa (25/01).

Dadaun IFC mós diskute hela ho Governu nomós prepara hela projetu tolu, Aeroportu Dili, oinsá halo espansaun renovasaun, ida seluk halo projetu abitasaun iha Hera atu fó mós uma ba Timoroan sira iha Díli no ida datoluk mak sistema saúde nian.

"Oinsá ita hadi’a sistema disgnóstiku para ema hotu iha nasaun tomak bele hetan asesu ba diagnóstiku hanesan haree ema nian rán, no haree kondisaun isin ninian”, afirma nia.

Kona-ba Aeroportu, projetu abitasaun agora sira sei estuda hela oinsá setór privadu sira bele mós halo kontribuisaun no saida mak presiza husi Governu hodi projetu sira ne'e bele iha viabilidade .

Nune'e Governu Timor-Leste mós fó fiar bá IFC tau prioridade ba setór privadu sira iha Timor-Leste hodi kontribui Dezenvolvimentu.

"Ohin lokraik enkontru ho Primeiru Ministru (PM), ne'e atu introduz IFC nia programa iha ne'e, diskute mós tinan husi Xefe Governu oinsá IFC ba oin bele hasai nia kontribuisaun ba dezenvolvimentu iha Timor-Leste. Liliu foka ba setór privadu, tanba ida ne'e sai hanesan kompeténsia ba IFC, ohin diskusaun ne'e hala'o rona esperiénsia no ideia lubuk ida husi PM no orsida ita ba haree oinsá implementa ida ne'e”, esplika nia.

Projetu ida ne'ebé boot liu IFC responsabiliza mak Portu Tibar, tanba uluk Portu Tibar investimentu husi Governu.

"Governu nia kontribuisaun mak milhões US$130 depois Kompaña privadu sira-nia kontribuisaun 250 milhões entaun kontribuisaun setór privadu mak boot liu”, informa nia.

IFC nia programa ne'e foka ba setór privadu nomós oinsá mak bele hala'o parseria ho setór públiku ho setór privadu.

Iha tempu IFC sai Parseiru ba Governu atu halo estudu viabilidade nomós atu dezenvolve projetu ida ne'ebé to'o halo Konkursu nomós bele asina akordu ho Kompaña privadu atubele mai investe osan dezenvolve Portu ida ne'e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter