Tanba, durante asesór sira hala’o de’it servisu iha kantor, nunka tun ba terenu hodi haree situasaun real atu produz planu.
"Ami ba hasoru sira (asesór) sira ko'alia, maibé nunka tuun lapangan, sala ne'e la'os na'in ulun sira mak halo sala, asesór sira mak halo sala, fó tiha konfiansa ba sira fasilidade ba sira, maibé servisu la la'o," dehan Adolfo, domingu (23/01).
Nia kompara, asesór iha nasaun seluk tun ba terene hodi observa situasaun real, maibé ita Timor-Leste tur iha kantor de’it.
"Iha ema nia rai seluk di'ak liu fali iha ita nia rai, tanba ema nia asesór administrasaun di'ak ema tuun ba lapangan, agora iha ita nian laiha, asesór ne'e dehan matenek de'it, ema insulta fali ita nia nai ulun sira, sira asesór ne'e halo nusa mak insulta fali nai ulun sira," nia dehan
Nune’e, hasa'e asesór sira iha Timor-Leste haree mós asuntu sosial sira iha teritóriu laran, la'os simu de'it salariu boot husi estadu.
"Exemplu, estrada aat sira nunka tuun, komadante xefe Xanana iha Dili tuun fali hamos valeta kuak sira ne'e, sira asesór sira ne'e nein ida tuun ba lapangan, sira mak dehan de'it saúde ijene ne'e hanesan ne'e, maibé la tuun hamos valeta kuak sira ne'e," nia hateten
Asesóres husi primeiru to’o oitavu Governu konstituisionál kuaze hanesan de'it, kria tan konfuzaun ba na'i-ulun sira, tanba povu kontinua halerik ba infraestrutura bázika, fila fó sala tan ba na'i-ulun sira. (*)