Login to your account

Username *
Password *
Remember Me

Administradór Bagia ‘Hakarak’ Uza Nafatin Karreta Estadu

Administradór Postu Administrativu Bagia, Munisípiu Baukau, António dos Ramos. Administradór Postu Administrativu Bagia, Munisípiu Baukau, António dos Ramos. Foto Suplay

Tempotimor (Díli)-Administradór Postu Administrativu Bagia, Munisípiu Baukau, António dos Ramos, hakarak uza nafatin karreta Estadu ba uma, Tanba distánsia husi uma ba edifísiu servisu kuaze kilometru 7.

"Ami-nia lamentasaun mak ida ne'e, lei ne'e ami asegura maibé ami-nia lamentasaun mak laiha kondisaun di'ak ida ba funsionáriu sira, maibé halo uluk lei tanba dadaun ne'e mai ha'u rasik, ha'u-nia uma mai iha administrasaun ne'e kilometru 7, ne'e mak karreta motorizada rai tiha iha kantor dadersa-dadersan mak ha'u la’o husi uma mai lori oras ida ho balun, tan ne'e mak ami lamenta”, dehan António dos Ramos ba jornalista sira iha salaun Eskola EBC São José. Bagia, sábadu. (22/01).

Tanba Governu kria lei bandu atu ajente funsionáriu Estadu sira labele utiliza viatura Estadu ka Governu hodi la'o iha loron sábadu no domingu.

"Lei inspesaun, ami-nia Inspetór fó sai ita oras ne'e dadaun ne'e, iha ona sirkulár, katak viatura Estadu, Governu, iha tempu sábadu domingu labele halo sirkulasaun, e viatura sira ne'e sei para iha iha Administrasaun”, hatete nia.

Haree ba Lei refere di'ak, tanba hamenus gastu konbustível nomós hamenus gastu ba manutensaun, maibé la kria kondisaun di'ak, siknifika servisu ne'e sei la la'o ba oin, tanba iha área balu laiha transporte públiku.

Ho ida husu ba Governu atu kria uluk kondisaun hanesan uma servisu, ba ajente administrasaun públiku sira, atu lbele hala'o serbisu tuir oras ne'ebé determina.

"Sim, tan ne'e mak ami husu para kria uluk kondisaun ba funsionáriu sira depois ita hasai lei atu lei ne'e bele forte, e ema hotu bele kumpri, kria kondisaun ba funsionáriu sira mak, pelu menus hari’i uma, (uma dinas) funsionáriu sira tenke besik iha edifísiu atubele atendimentu ne'e másimu, ho di'ak se kondisaun la di'ak mak atendimentu mós tuir ida ne'e, tanba viatura sira ne'e lei bandu ba uma”, afirma nia.

Haree ba kondisaun estrada husi Postu Administrativu Laga ba Bagia sei aat tanba ne’e husu ona ba Governu atu halo maibé sei hein prosesu sira.

"Horibairua Primeiru Ministru mai iha Baukau ne'e ha'u mós husu ona, maibé momentu ne'ebá ne'e Ministru Obras Públika responde katak sei halo uluk estrada Dili ba Bagia ne'e hi kilometru 30 uluk maibé to'o agora hein seidauk mosu mai de'it ne'e”, hatete nia.

Durante ne’e komunidade Bagia hamutuk ho autoridade lokál to'o rejionál kestiona kona-ba kondisaun estrada maibé seidauk iha resposta. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter