Login to your account

Username *
Password *
Remember Me

2021, Governu Konsege Haruka Traballadór 300-Resin ba Korea Súl

Traballadór Timoroan ne’ebé konsentra hela iha Aeroportu Internasionál Prezidente Nicolau Lobato-Komoro atu aranka ba servisu iha Korea Súl. Traballadór Timoroan ne’ebé konsentra hela iha Aeroportu Internasionál Prezidente Nicolau Lobato-Komoro atu aranka ba servisu iha Korea Súl. Foto Suplay

Tempotimor (Díli)-Sekretáriu Estadu Formasaun Profesionál no Empregu (SEFOPE) liuhusi Diretór Nasionál Empregu Exteriór (DNEE), Filomeno Soares hatete, sira konsege haruka traballadór timoroan hamutuk 300-resin ba servisu iha Korea Súl, iha tinan 2021.

“2021, ne'e ita bele dehan katak Traballadór ba Korea ne'e 300-resin mak tama ona ba Korea iha Covid-19 ne'e”, dehan Diretór Filomeno ba www.tempotimor.com iha nia kna’ar fatin Bekora, sesta (21/01).

Tanba ne’e, iha tinan 2022 Governu kontinua haruka Traballadór timoroan hamutuk 100-resin ba Korea Súl.

“Mais agora aumenta tan, iha 2022 lalais ne'e, iha grupu primeiru ita manda hamutuk 68 ba Korea no ohin sira nain 39 ba tan kuaze atusida (100) mak ba ona iha tinan 2022”, afirma nia.

Ho ida ne’e, Governu kontinua kria kondisaun, atu nune’e joven Timoroan ne’ebé iha interese bele tuir prosesu ne’e atubele ba servisu iha rai liur hadi’a sira-nia moris iha futuru.

Traballadór Timoroan ne’ebé komfirmadu atu ba servisu iha Korea Súl na’in-haatnulu (40), maibé na’in-ida rezigna-an tanba hetan difikuldade husi orsamentu, nune’e traballadór na’in tolunulu-resin-sia (39) mak sei aranka ba Korea Súl servisu iha área peskas.

Entretantu kritéria ne’ebé kandidatu sira atubele kompleta hanesan vasinasaun kontra Covid-19 kompleta doze daruak, teste médiku no teste PCR Covid-19, antes traballadór aranka ba Korea Súl tenke halo kuarentena durante kalan ida, no ba to’o iha Korea Súl sei halo tán kuarentena durante loron sanulu.

Nune’e mós ba Austrália liliu iha Seasonal Worker Programme seidauk haruka Traballadór ba, tanba Austrália seidauk autoriza traballadór sira atu tama sira-nia nasaun. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter