"Entaun tempu ida mai, foun ne'e ha’u hanoin, balun sira ne'ebé mak seidauk hetan, sira bele priense kriteria, sira rejistu, buat sira ne hotu, tanba iha lei ne'ebé hatetekatak fó dalan ba komunidade sira ne'ebé seidauk rejistu sira bele halo reklamasaun maibé tenke por eskritu, durante ita simu por eskritu ne'e mak hamutuk rihun-25 ne'e, laiha ema ida mak ejize tan fali ami seidauk simu, ba tinan 2022 mak sira rejistu hanesan baibain, ne'e sira sei hetan se la rejistu ne'e labele tanba ne'e lei ida ne'ebé prezidente promulga ona, se mak la ba rejistu siknifika nia lakohi”, dehan Koordenadór Fernando iha Sentu Nasionál de Formasaun Profesionál (CNFP), Bekora, segunda (17/01).

Tanba ne’e, balun seidauk simu ne'e dehan katak, faillansu tékniku, sira la rejistu bele mós akontese, rejistu tarde sira ne'e bele akontese, maibé prontu Sesta Bázika tinan 2021 taka tiha ona, agora tinan 2022 ne'e mós sei implementa tan Sesta bázika ho osan montante miliaun US$8.

Durante ne'e iha duni reklamate hamutuk rihun-25-resin mak konsege reklama maibé nia parte responde hotu ona.

"MKAE hanesan Ministru Koordenadór de’it ita la'ós implementadór Iha momentu ita simu reklamante mak ne'e 25.569 responde hotu kedas ne'e ita-nia relatóriu fix, agora loos duni katak mosu ema balun reklama hela dehan katak seidauk selu, tanba ne'e mak iha tempu ne'ebá ita dehan katak, ita-boot sira ba rejistu”, esplika nia.

Ho ida ne’e presiza, rejistu naran sira ba xefe suku sira, lori ba entrega iha Ministériu Administrasaun Estatál (MAE) halo verifikasaun haruka ba Ministériu Koordenadór Assuntu Ekonómiku, (MKAE) hato'o ba ajente implemetadór sira. (*)