Print this page

Ohin, Traballadór 71 Kontinua Aranka ba Korea Súl

By January 14, 2022 758
Traballadór 71 konsentra no hein hela aviaun iha Aeroportu Internasionál Prezidente Nicolao Lobato Komoro, sesta (14/01). Traballadór 71 konsentra no hein hela aviaun iha Aeroportu Internasionál Prezidente Nicolao Lobato Komoro, sesta (14/01). Foto Suplay

Tempotimor (Dili)-Traballadór timoroan hamutuk hitunulu-resin-ida (71) ohin, loron sesta (14/1) kontinua aranka ona ba Korea Súl ho Aviaun Citilink.

Traballadór hirak ne'e akompaña direta husi Sekretáriu Estadu Formasaun Profisionál no Empregu (SEFOPE) liuhusi Diresaun Nasionál Empregu Exteriór (DNEE) hodi ba husik hela iha Aeroportu Internasionál Prezidente Nicolau Lobato-Komoro.

Hafoin halo akompañamentu, Diretór Diresaun Nasionál Empregu Exteriór, Filomeno Soares apela ba traballadór sira bainhira ba ba servisu atu labele halai ses husi sistema.

"Labele halai ses husi sistema, hatudu komportamentu servisu ne’ebé di’ak nune’e empregadór sira bele foti tán joven Timoroan sira ba servisu", dehan nia iha Aeroportu, sesta (14/01).

Traballadór 71 sai husi Aeroportu Komoro maizu menus tuku 13:30 hó aviaun Citilink, ne’ebé sei liuhusi Malázia no Singapura, no iha loron 15 Janeiru 2022 foin tun iha Aeroportu Incheon Korea Súl.

Husi traballadór hira ne’e, iha na’in-28 mak sei servisu iha área fábrika, ema na’in 30 servisu iha área peska enkuantu traballadór re-entri ne'e iha ema na’in-13. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items