Login to your account

Username *
Password *
Remember Me

PN Sei Haruka Proposta Lei Enkuadramentu OJE ba Lú Olo

Membru Parlamentu tur hela Ia plenária hodi halo diskusaun ba programa. Membru Parlamentu tur hela Ia plenária hodi halo diskusaun ba programa. Foto Suplay

Tempotimor (Dili)-Prezidente Prlamentu Nasional (PN), Aniceto Longuinhos Guterres Lopes, sei haruka proposta Lei Enkuadramentu, Orsamentu Jerál Estadu (OJE) no Jestaun Finanseira ba Prezidente Repúblika (PR), Francisco Guterres "Lú Olo", atu estuda durante loron 30 hodi deside promulga ka veta.

"Ami halo ona redasaun finál atu haruka ba Prezidente Parlamentu Nasionãl e mós prezidente PN sei enkamiña ba Prezidente Repúblika, hodi halo promulgasaun”, dehan Prezidente Komisaun C trata asuntu finansa públika, Maria Angelica Rangel,  iha PN, kinta (13/01).

Tanba dadaun ne'e sira prepara ona proposta-lei ida ne'e iha redasaun finál no sei submete ba meza Prezidente PN oinsá mak bele enkamiña ba Prezidente Repúblika (PR).

Iha loron segunda (10/01),Parlamentu Nasionál (PN) aprova Proposta Lei númeru 27/V/3ª kona-ba Enkuadramentu Orsamentu Jerál Estadu (OJE) iha finál global.

Proposta Lei foun n.º 27/V/3ª-Enkuadramentu Orsamentu Jerál Estadu no Jestaun Finanseira Públika, ho 37 votu A favor, 2 Abstensaun no laiha Kontra.

Ba diploma foun ida-ne’e sei revoga Lei n.º 13/2009, (LOJF), 21 Outubru, no tuir informasaun adisionál balun ne’ebé www.tempotimor.com asesu katak, Lei Enkuadramentu Orsamentál hanesan rezultadu ida husi prosesu naruk Reforma Jestaun Finanseira Públika ne’ebé mak inisia ona desde tinan 2015 husi V Governu Konstitusionál no Governu anteriór sira halo ona melloramentu lubun ida liuhusi diskusaun iha tinan barak nia laran.

Lei ne’e introduz prinsípiu orsamentál 11 mak hanesan Unidade no Universalidade, Anualidade no Plurianualidade, Estabilidade no Sustentabilidade Orsamentál, Ekonomia, Efisiénsia no Efikásia Transparénsia, Responsabilidade, Ekuidade Interjerasionál, Orsamentasaun pur programas, Espesifikasaun, Naun-Kompensasaun no ikus-liu mak Naun-Konsignasaun. 

Liuhusi Lei ne’e, Governu propoin atu halo mós alterasaun substansiál iha aspeitu balun ne’ebé esensiál tebes ba Enkuadramentu Orsamentu no Jestaun Finanseira Públika atu hametin liután relasaun entre planeamentu no orsamentu liuhusi orsamentasaun pur programas ne’ebé foku ba rezultadu.

Desde tinan 2015, V Governu Konstitusionál halo ona servisu advokasia kona-ba Reforma Fiskál no Jestaun Finansas Públikas liuhusi implementasaun fazeadamente orsamentasaun pur programas, eliminasaun prátika desorsamentasaun, hasa’e autonomia servisus no melloramentu transparénsia iha ezekusaun orsamentu. 

Iha tinan 2019, Governu daualu Konstitusionál kontinua elabora Proposta LEO no submete mai PN iha Janeiru 2021.

Durante prosesu preparasaun, elaborasaun no diskusaun Proposta LEO, Governu no Parlamentu Nasionál mós halo ona konsultasaun lubun ida ho setór ekonómiku no setór sosiál sira mak hanesan Banku Sentrál Timor-Leste, RAEOA, Institutu Nasionál Seguransa Sosiál, Câmara de Contas, Konsellu Konsultivu Fundu Petrolíferu, FONGTIL, La’o Hamutuk no Fundu Monetáriu Internasionál.

Aleinde Proposta LEO ne’e rasik inklui ona rekomendasaun balun ne’ebé mak hato’o husi setór ekonómiku no setór sosiál no kumpre mós boa prátika internasionál ne’ebé mak rekomenda husi Relatóriu Ekipa Misaun Artigu IV, Fundu Monetáriu Internasionál no Relatóriu Revizaun ba Despeza xxPúbliku no Akuntabilidade Finanseira husi Banku Mundiál.

Enkuantu proposta lei enkuadramentu Orsamentu Jerál Estadu no jestaun finanseira ne'e rasik iha artigu hamutuk 126, títulu 9 no kapítulu 17.  (*)

 

Rate this item
(0 votes)
Last modified on Thursday, 13 January 2022 12:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter