Login to your account

Username *
Password *
Remember Me

PM Taur Enkoraja Entidade Baukau Labele Abandona Natar no To'os

Komunidade balun ne’ebé ko’a hela hare iha natar Postu Administrativu Venilale, Munisípiu Baukau. Komunidade balun ne’ebé ko’a hela hare iha natar Postu Administrativu Venilale, Munisípiu Baukau. Foto Tempo Timor

Tempotimor (Baukau)-Primeiru Ministru (PM), Taur Matan Ruak enkoraja entidade hotu iha munisípiu Baukau labele lakon tempu ba de’it programa seluk, maibé tenke konvense mós populasaun sira atu labele abandona natar no to'os.

"Lalika lakon tempu de'it iha PNDS lakon tempu de'it iha PDIM, loro-loron tenke konvense ita nia populasaun sira, natar labele husik, to'os labele husik, tenke halo," dehan PM iha sentru konvensaun vila antiga Baukau, kinta (06/01).

Timor-Leste sei hasoru problema boot rua, ida popupulasaun ki’ak pursentu 40 no ma-nutrisaun, tanba iha Munisípiu Baukau ma-nutrisaun pursentu 48.8, nune’e esforsu par bainhira to'o tinan 2030 mak redus tun ona ba pursentu-3 ne'e hatudu iha susesu.

"Iha Munisípiu Baukau manutrisaun iha pursentu 48.8, labarik isin krekas iha pursentu 7, labarik isin todan liu iha pursentu 1.1 inklui menus nutrisaun iha pursentu 55.4, iha mudansa maibé ita tenke servisu makas, maibé to'o iha 2030 mak ita hatun to'o iha 3 pursentu ne'e susesu bo'ot-ida," dehan PM

Tanba, ko'alia kona-ba saúde, ema ne'ebé isin di'ak mai husi hahan nutritivu, nune'e TL iha setór Agrikultura mak sei fó empregu barak liu, maibé to'o ohin loron seidauk dezenvolve, tanba ne'e sei esforsu hadi’a atu ema hotu investe.

"Funsionáriu na'in-2, na'in-3 tau osan hamutuk sosa tratór-ida fó ba inan aman invez natar husik de'it, imi halo natar bagidua hotu-hotu manan duke husik rai mamuk," nia akresenta

Iha TL konsumu fós husi nasaun seluk kada fulan tonelada rihun 11, nune'e kada tinan importa husi nasaun seluk besik rihun 120, maibé produsaun fós iha TL kada tinan tonelada rihun 68, entaun produsaun ne'ebé iha sei konsumu de'it ba fulan-5 nia laran.

Nune'e prezisa aumenta produsaun fós, tanba dadaun Governu haree hela posibilidade atu hasa'e taxa ba fós nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter