"Governu nia hakarak halo hotu liña distribuisaun suku hothotu ne'ebé seidauk e mós aldeia sira ne'ebé seidauk asesu”, dehan MOP Salvador iha Salaun CCL Lospalos Vila, sesta (07/01).

Tanba dadaun ne'e iha tan ona projetu 78 ba suku hamutuk 55 iha territóriu tomak ne'ebé seidauk asesu ahi.

"Liga ba Lospalos nian ne'ebé mak agora la'o hela iha tempu badak bele hotu, ne'ebé halo hela instalasaun, ba aldeia rua ne'ebé mak iha ne'e”, informa nia.

Dadaun ne'e Eletrisidade de Timor-Leste (EDTL) halo hela esforsu atu iha tinan 2022 ne'e dezenvolve liután liña eletrisidade iha Timór laran tomak.

"Atu hatete katak sira esforsu hela atu tinan 2022 ba aldeia sira ne'ebé seidauk, atu nune'e ita tama iha tinan 2023 ita bele atinje fornesimentu liña eletrisidade ba territóriu iha Timór laran tomak”, informa nia. (*)