Print this page

Administradór Baguia Husu Promesa PM Taur ba Hadi’a Estrada

Administradór Baguia, António Ramos ko’alia iha salaun sentru konvensaun vila antiga Baukau, kinta (06/01). Administradór Baguia, António Ramos ko’alia iha salaun sentru konvensaun vila antiga Baukau, kinta (06/01). Foto Tempo Timor

Tempotimor (Baukau)-Administrador Postu Administrativu Baguia, António Ramos kontinua husu Primeiru Ministru (PM), Taur Matan Ruak kona-ba promesa ne’ebé atu hadi’a estrada diresaun Postu Administrasaun Laga ba Baguia Munisípiu Baukau.

Tanba, estrada públiku hanesan diresaun Baukau ba Dili, Baukau ba Vikeke konstrui ona husi emprezariu internationál, maibé iha Munisípiu laran liga ba Postu Administrativu sira balun balun kontinua aat, tanba ne'e  submete proposta ba parte relevante, maibé laiha rejultadu.

"Ami kelikai baguia kontinua tanggan diatas, sua exelensia (Taur Matan Ruak) sei iha Prezidente dehan bainaka mak han uluk, uma na'in han ikus, maibé agora mandatu hela de'it ona tinan-ida bainhira mak ami han, tanba ne'e ita nia inan aman sira rona dehan, Primeiru Ministru mai Baukau sira hameno hela, ami lahan etu di'ak karik han netik etu mutuk, se ami la han etu mutuk karik ami sei mate tiha de'it la han etu mutuk ida,"dehan António iha salaun sentru konvensaun vila antiga Baukau kinta (06/01).

Nune'e, Xefe Suku Hae-Coni Baguia, Luis  de Oliveira hatutan, estrada diresaun Laga ba Postu Baguia mak populasaun Baguia tomak hein, tanba Taur Matan Ruak atual PM momentu sei asume pasta Prezidente Repúblika promete ona atu realiza, maibé to'o ohin loron laiha rejultadu.

Maibé, hatan ba preukupasaun ne'e husi Ministéiru Obras Públiku (MOP) Salvador Eugénio Soares Dos Reis Pires esplika, tuir birokrasia MOP nian ba projetu sira, apezar estrada, ponte iha hotu parte diresaun MOP nian, maibé promosaun projetu hotu ho nia Administrasaun tenke liuhusi verifikasaun, Ajénsia Dezenvolvimentu Nasionál (ADN), hafoin Komisaun Administrasaun Fundu Infraestrutura (KAFI) halo aprovasaun mak Komisaun Nasionál Aprovizionamentu (CNA-sigla portugues) loke tender.

"Laga Baguia 30Km  iha ona ADN, kona-ba ponte iha trosu Laga Baguia ponte Samalari, kuaze 100M ne'ebé dezeñu hotu ona iha ona ADN ita hein verifikasaun halo ajendamentu ba KAFI halo aporvasaun depois CNA halo tender,"katak Salvador

Maibé iha mós estrada husi Postu Baguia Baukau ba Postu Uatukarabau Vikeke ho Km,38.7 mós KAFI aprova ona no sei avansa prosesu estudu iha tinan 2022.

Nune'e mós estrada husi Suku Abafala Postu Administrativu Kelikai ba Suku Nahareka Postu Administrativu Ossu ho 22km ADN remata ona prosesu verifikasaun hein ajendamentu husi KAFI ba CNA hodi loke tender.

Alende ne'e, projetu imprestimu ba konstrusaun trosu husi Baukau ba Lautém remata ona dezeñu hein remata verifikasaun husi ADN hafoin konstrusaun.

"Ponte Seiçal, Burouai Malai Laga dezeñu hotu ona, espera katak ADN konklui lalais nia verifikasaun lori ba konsellu ministru, tanba nia mais 5 milões depois halo aprovasaun depois ita avansa ho prosesu,"nia hateten

Enkuantu iha tinan 2019 halo ona komparasaun liuhusi prosesu aprovizionamentu tenderizasaun internationál ne'ebé joint ho TL prosesu sira ne'e hotu konklui iha tinan 2021. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items