"Segundu grupu aban (06/01) sai husi iha ne'e, ba pavillaun ninian aban ba, no sira ne'ebá mai ne'e hamutuk na’in-11 no sira iha ne'e ba mós na’in-11 karik, sira troka malu”, informa Ministru José Lucas ba jornalista iha palásiu Governu, kuarta (05/01).

Husi segundu Pavillaun sira ba tuir Expozisaun Dubai durante fulan tolu husi loron 06 fulan-Janeiru to'o loron 31 fulan-Marsu 2022, sira foin filafali mai iha Timor-Leste.

Atividade sira ne'ebé sira halo mak tau matan ba produtu sira ne'ebé antes ne'e lori ona ba Dubai hodi halo Expozisaun iha eventu Expo Dubai tinan 2020 nian.

"Sei fahe tuir ba seksaun sira, tau matan ba Rekursu sira, balun tau matan ba jeográfika Timór nian, e iha balun haree kona-ba produtu agrikultura sira, no balun kona-ba produtu miñeirus nian, ne'ebé sira hirak ne'e fahe, para sira halo esplikasaun guide ita-nia vizitante sira iha ne'ebá relasiona ho produtu sira ne'ebé ita lori ba”, esplika nia.

Antes ne'e iha grupu Pavillaun primeiru ne'e mak sai husi Timor iha fulan-Setembru 2021 no na’in-11 filafali mai iha Timor iha loron 05 janeiru tinan2022. 

Grupu primeiru ne'ebé antes ne'e aranka ba hala'o servisu di'ak, sei mai hodi hato'o kona-ba progressu sira ne'ebé sira halo liliu movimentasaun ba pavillaun nian.

Iha balun mós tau matan ba tais nian inklui mós Kafé sira, no produtu sira ne'ebé Timor lori ba sei fahe malu hodi tau matan b produtu sira ne'e hotu. (*)