Login to your account

Username *
Password *
Remember Me

Protesaun Sivil Baukau Apoiu Emerjénsia ba Vitíma Dezastre Natural 97 iha Bukoli

Komunidade nia uma ne’ebé hetan estragus husi udan no anin boot iha Bukoli, kuarta (22/12). Komunidade nia uma ne’ebé hetan estragus husi udan no anin boot iha Bukoli, kuarta (22/12). Foto Tomas Freitas

Tempotimor (Baukau)-Servisu Diresaun Protesaun Sivil Desastre Naturais Munisípiu Baukau fahe ona sasan apoiu emerjénsia nian ba vitíma dezastre natural xefe família hamutuk 97 iha Suku Bukoli.

Diretór Servisu Protesaun Sivil no Jestaun Desastre Naturais Munisípiu Baukau, Nelson Nunes hatete, ligadu akontesementu iha loron 21 fulan-Dezembru tinan-2021 udan no anin estraga komunidade sira nia uma iha Suku Bukoli mak hanesan uma hela fatin 57, uma dapur 9, uma adat 5, edifísiu eskola ida no dapur suku nian ida.

Tanba ne'e, Servisu Protesaun Sivil Munisípiu Baukau iha loron 22 fulan-dezembru tinan 2021 parte loraik rekoilla kedas dadus vitíma sira hodi hetan apoiu emerjénsia.

"Totál xefe família hamutuk 97, horseik iha faillansu, maibé depois ami chek iha 97 mak sai vitíma, tanba ne'e xefe familia 97 ne'e mak simu apoiu emerjénsia," dehan Nelson, kinta (23/12).

Maibé, ba matérial rekuperasaun ékipa Protesaun Sivil sei halo hikas verifikasaun ba uma ka'in hamutuk 57 ne'ebé rekoilla ona, nune'e bele hatene tama iha kategoria estragus todan ou kaman mak fó apoiu.

Tanba, dadaun vitíma balun hela provizóriu iha viziñu nia uma, maibé iha balun komesa hadia hikas fali ona sira nia hela fatin, hodi hein apoiu matérial rekuperasaun husi Governu.

Husi verifikasaun protesaun Sivil Baukau hetan husi uma ida ba uma seluk, sasan ne'ebé hetan estragus hanesan sasan eletronika sira, tanba udan been kona, inklui karreta-ida no motor-ida hetan estragus, tanba ai-hun mak tohar hodi hanehan.

Sasan hirak ne'ebé vitíma sira lakon, sura ba osan lakon barak, tanba ne'e Governu labele selu to'o sasan sira ne'e, maibé Governu mós iha hanoin-ida atu rekupera fali apoiu liuhusi emerjénsia depois verifikasaun apoiu tan matérial rekuperasaun.

"Parese iha semana oin mak ita halo verifikasaun, tanba aban loron feriadu, maibé foto sira ami hasai hotu ona, ami sei halo verifikasaun husi foto sira ne'e koordena ho Xefe Suku, Xefe Aldeia hodi hatene nia klasifikasaun estragus husi uma 57 ne'e," nia akresenta

Tuir dadus ne'ebé Xefe Suku Bukoli relata, uma ne'ebé hetan estragus hamutuk 81, depois husi parte protesaun sivil Baukau halo crochek husi uma ida ba uma ida hetan dadus loos uma ka'in ne'ebé hetan estragus hamutuk 57.

"81 ne'e provizoriu, tanba situasaun paniku entaun ita bele siik de'it, maibé depois de halo levantamentu iha uma hela hamutuk 57 mak hetan estragus, iha uma ka'in balun xefe família na'in-2 to'o na'in-3 mak hela hamutuk, entaun família ne'e mak hamutuk 97 ita fó apoiu," nia afirma

Apoiu emerjénsia ne'ebé fó ba vitíma bukoli kopera husi Cruz Vermelha Timor-Leste (CVTL) filial Munisípiu Baukau hanesan fós, family kits, matérial dapur hamutuk pakóte-ida.

Alende ne'e, matérial ba apoiu emerjénsia iha armazenamentu Munisípiu Baukau menus ona, tanba ne'e halo ona rekizasaun ba diresaun nasionál atu lori matérial apoiu emerjénsia nian rai iha armazenamentu hodi asegura bainhira iha dezastre naturais.

"Menus mak iha sardina supermi, mina, horseik ita halo ona koordenasaun direita ba nasionál sasan iha ona hein transporte atu lori mai," nia hatete

Ekuantu vitíma dezastre naturais ne'ebé hetan apoiu emerjénsia ne'e husi aldeia-4 iha Suku Bukoli. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter