Print this page

Governu Promete Solusiona Subsídiu Jornalista Liña Frente iha Tempu Badak

By December 22, 2021 533
Ministru Prezidensia Konsellu Ministru (MPKM), Fidelis Leite Magalhães. Ministru Prezidensia Konsellu Ministru (MPKM), Fidelis Leite Magalhães. Foto Suplay

Tempotimor (Díli)-Ministru Prezidensia Konsellu Ministru (MPKM), Fidelis Leite Magalhães hatete, Governu sei buka atu solusiona subsídiu liña frente ba Jornalista sira iha tempu badak.

"Ha'u hanoin preokupasaun ita-boot sira-nian, ha'u hanoin ita esforsu lubuk ida, maibé faze tuir mai ha'u sei konfirma ho MAPKOMS nomós ho Presidénsia Repúblika, ne'ebé ha'u sei komenta kle'an kona-ba estatu situasaun kona-ba diploma projetu, maibé buat hotu ne'ebé sei iha solusaun”, dehan Fidelis Leite ba Jornalista sira iha Palásiu Governu, kuarta (22/12).

Maske iha ona deklarasaun, maibé seidauk bele deklara data ne'ebé fiksu, maibé speransa ne'ebé boot mak sei iha solusaun.

Maske Governu Timor-Leste deklara rekoñese servisu jornalista nian iha tempu pandemia Covid-19 hodi oferese subsídiu ba liña frente nian maibé to'o agora seidauk rezolve.

Maibé loron ikus ba tinan 2021 nia rohan ne'e sei hotu iha loron 23 fulan-dezembru tinan 2021, hodi termina ba pagamentu ba sistema maibé finalmente prosesu seidauk klaru.

Antes ne'e Prezidente Repúblika (PR), Francisco Guterres ‘Lú Olo’, pronunsia ona iha Likisá (16/12) katak dekretu lei númeru (17/2020) ba jornalista aprova kleur ona.

"Jornalista sira-nian prontu kona-ba frontline nian, taun ne'e ha'u promulga tiha ona iha tempu kleur, importante agora Governu implementa de'it", dehan PR Lú Olo

Nune’e mós Konsellu Ministru aprova ona dekretu lei ba jornalista sira iha loron kinta (11/11), ne'ebé aprezenta ona husi Ministru Asuntu Parlemtar e Komunikasaun Sosial (MAPKomS), Francisco Martins Jerónimo.

Husi subsídiu ne'ebé Governu deside atu atribui ba jornalista sira kada loron US$5 go períodu kobertura sei sura husi fulan-abril to'o dezembru 2021. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items