Login to your account

Username *
Password *
Remember Me

Kondisaun Estrada Difikulta Implementasaun UKL iha Suku Balun

Xefe departementu monitorizasaun no evaluasaun, Bartolomeu Dias Tilman. Xefe departementu monitorizasaun no evaluasaun, Bartolomeu Dias Tilman. Foto Tomas Freitas

Tempotimor (Baukau)-Kondisaun Estrada iha suku balun aat, nune’e difikulta ba implementasaun programa Uma Kbi'it La'ek (UKL).

Xefe departementu monitorizasaun no evaluasaun, Bartolomeu Dias Tilman hatete, programa uma UKL balun atinji ona pursentu 100, maibé iha parte balun seidauk implementa, tanba kondisaun dalan la diak, entaun susar atu mobiliza matérial konstrusaun nian.

"Impelementasaun sempre la'o tarde tanba de'it, kondisaun estrada ba suku sira ne'ebé laduun di'ak, difikulta ba prosesu implementa, tanba mobilizasaun matérial sempre tarde, tanba de'it kondisaun estrada mak ladi'ak", dehan nia, segunda (20/12).

Ékipa PNDS sei esforsu aan halo koordenasaun ho parte Instituisaun Jestaun Ékipamentus (IJE) atu halo di'ak dalan, nune'e bele mobiliza matérial konstrusaun ho lais.

Projetu iha nivél Munisípiu hatudu  pursentu 80 iha nivél nasionál ba implementasaun UKL, sai hanesan barometru ba ékipa PNDS atu hadia di'ak liu tan, tanba UKL iha tinan-2021 implementa kada Suku iha Aldeia-ida hetan uma-3, maibé iha tinan-2022 tuir aprovasaun implementa UKL iha Suku-ida minimu-9 masimu-12.

"Tempu badak nia laran tenke la'o, para ida ne'ebé mak iha tenke finaliza ona iha tinan-ida ne'e, para tinan-oin ne'e ita haree ona ba projetu foun", nia akresenta

Tanba ne'e, husu diresaun PNDS nivél Munisípiu to'o Aldeia, tenke esforsu makas maske menus iha rekurus, maibé koko halo koordenasaun di'ak ho autoridade Munisípal no Suku, Aldeia atu buka solusaun ba difikuldade sira.

Nune'e, Diretóra Programa Nasionál Desenvolvimentu Suku (PNDS) Munisípiu Baukau, Amélia Maria Viegas hatete, durante tinan-ida nia laran konsege finaliza projetu balun, maske hasoru problema barak.

"Maibé, ida seidauk implementa mak iha soba asanunu to'o agora seidauk bele rejolve, tanba iha hela koordenasaun PNDS nasionál ho sira IJE loke dalan ba asanunu", katak nia

Maibé, iha tinan 2021, IJE seidauk bele responde pedidu husi PNDS nasionál atu loke dalan ba Aldeia Asanunu, Suku Soba, Postu Administrativu Laga, tanba sei apoiu vítima inundasaun sira iha Dili.

Espera iha inisiu tinan 2022 bele hahú ona servisu hodi loke dalan ba Aldeia Asanunu atu fasilita implementasaun UKL. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter