"Ha'u-nia lia menon ba graduandu sira mak ne'e, labele Kontente ho serifikadu ne'ebé ohin hetan maibé kontinua nafatin hatudu matenek, labele hanoin katak iha rai li'ur de’it maibé servisu iha to'os rasik ne'e mós importante atu nune'e ekonomia ne'e labele monu iha ita-nia uma laran”, dehan Jacinto da Costa Soares, ba Jornalista sira hafoin selebra Graduasaun Filiál TLTC Aileu-Ermera iha sede Comunitaria Suku Fahiria, Postu Administrativu Aileu Vila, Munisípiu Aileu, segunda (20/12).

Tanba iha buat tolu ne'ebé mak importante tebes atu lori formandu sira ba rai li'ur mak saúde, tinan, nomós iha atitude ne'ebé di'ak.

"Ita bele iha Sertifikadu oioin, ne'ebé suporta tebes mós ita, maibé fila ba ita-nia aan rasik, saúde importante, tinan mós importante, no atetude mós importante tanba ita haruka ema ba rai li'ur, buat tolu mak importante”, afit nia.

Formadór Ba Kursu Hortikultura Filiál TLTC Munisípiu Aileu, Valentino Maia Gusmão, mós bele garante ba vagas Austrália maibé seidauk tempu atu ba sei bele loke kampu servisu ba an rasik.

"Ha'u-nia estudante sira ne'e ha'u garante kuandu sira ba vaga, hanesan ba Austrália sira ne'e, maibé la liu sira bele mai serbisu ba sira-nia aan rasik tanba saida mak ha'u aprende, husi ha'u aprende aplika totál ba sira hotu”, esplika nia. (*)