"Projetu ida ne'e sai hanesan prezente boot ida ba populasaun Oekussi no Ataúro enpartikulár, maibé prezente boot ida mós ba populasaun Timór tomak”, dehan Taur hafoin partisipainaugurasaun ba Ró Berlin Ramelau iha portu Dili, segunda (20/12).

Tanba Ró Nakroma Timor-Leste nia ne’ebé oras ne'e hakdasak iha tasi laran, laiha posibilidade atu la'o.

Maske Ministériu Transporte no Komunikasaun (MTK) halo esforsu atu garante operasaun ba Oekussi Dili, Ataúru Dili, maibé konsege enfrente problema barak

Iha situasaun ne'e, Ró Berlin Ramelau mosu tanba iha parseria di'ak ho Governu alemaña nian durante tinan hirak nia laran to’o ohin loron.

"Dadaun ne'e reprezenta husi GIZ nia responsável iha ne'e, nomós APORTIL ho kompaña damen, ne’ebé konstrui ita-nia Ró ne'e”, hatete nia.

Iha ne'e prosesu Kooperasaun entre Governu Timor-Leste ho alemaña ne'e hanesan projetu daruak. enkuantu ba projetu dahuluk mak konstrusaun Barku ne’ebé halo iha tinan hira liubá.

"Ha'u hakarak lori ha’u-nia naran rasik, no Governu Timor-Leste nia naran, agradese kooperasaun alemaña, no ha’u enkoraja para ke kooperasaun ida ne'e permanese”, afirma nia. (*)