Prosesu konstrusaun ba Ró Berlin Daruak ne’e finansia husi Governu Timor-Leste ho Governu Alemaña, no konstrui husi empreza armadora Holandeza Demen shipyards, Ho nia kapasidade bele tula pasajeiru hamutuk 380.
Ró foun ne’e halo lansamentu ona ba tasi laran iha nasaun Xina, loron (10/05/2021), Partisipa husi Embaixadór Timor-Leste iha Xina, Abrão dos Santos no Embaixadór Alemaña iha Xina.
Projetu ba konstrusaun hahú iha tinan 2018, liuhusi kooperasaun entre nasaun rua, iha ne’ebé Governu Alemaña kontribui osan ho mantante Millaun US$7.8 no Governu Timor-Leste aloka Millaun US$7.1.
Tuir planu Ró Berlin Ramelau ne’e to’o iha Timor-Leste sei halo operasaun iha parte Leste hanesan Manatutu, Baukau, Lospalos, vikeke nomós ba parte Oekussi no Ataúru.
Iha serimónia inaugurasaun ne'e hetan partisipa husi Primeiru Ministru (PM), Taur Matan Ruak, membru Governu, no reprezentante nasaun alemaña, Membru Parlamentu Nasionál, Embaixadór sira, inklui entidade sira no povu Timor-Leste. (*)