"Ha’u hakarak, iha VIII Governu Konstitusionál nia naran no iha ha’u-nia naran rasik, hato’o ha’u-nia agradesimentu ba distintas no distintus deputadus sira hotu, ba debate saudável ne’ebé ita dezenvolve iha loron hirak ne’e, ne’ebé kontribui tebes ba esklaresimentu Timoroan hothotu no atu hatene di’ak liután opsaun boot husi Planu no Orsamentu ba tinan oin mai, ho objetivu atu reforsa reziliénsia país nian no atu promove koezaun ekonómika no sosiál”, dehan Taur iha nia diskursu enseramentu ba debate Proposta OJE 2022 nian iha Parlamentu Nasionál, kinta (16/12).
Maibé konsidera ideia husi Deputadu sira iha Parlamentu Nasionál (PN) tanba mantein espíritu konstrutivu nasaun nian.
"Ami rejista mós ho konsiderasaun intervensaun oioin no opiniaun polítiku-partidária ne’ebé diferente, maske husi diverjensias hirak ne’e, ita-boot sira, ho fuan nakloke, hatene mantén espíritu konstrutivu, ne’ebé sentradu iha superior interesse ema nian”, hatete nia.
Medida hotu ne’ebé hetan iha debate iha Parlamentu Nasionál, ita-nia opiniaun públika mós akompaña ho interesse. Husi dalan ida ne’e, ita promove sidadania ida ne’ebé ativa no partisipativa liután,
Liuhusi órgaun komunikasaun sosiál iha organizasaun oioin ne’ebé halo parte ba sosiedade ne’ebé forte no nakonu ho enerjia. (*)