Maibé Bankada Congresso Nacionaál de Reconstrução de Timór (CNRT) deside vota kontra ba proposta OJE 2022 ne'ebe mak aprova husi deputadu sira iha PN.
Rezultadu votasaun ba Proposta OJE ne'e a-favór 44, kontra 21 no abstensaun 0.
“Ho nune’e proposta lei Orsamentu Jerál Estadu ba tinan 2022 aprovadu iha votasaun finál global”, dehan Prezidente Parlamentu Nasionál (PN), Aniceto Longuinhos Guterres Lopes, iha plenária, kinta (16/12).
Maske tetu proposta OJE 2022 ne’ebé mak Governu aprezenta ba PN iha loron 15 fulan-outubru ne'e ho montante billaun US$1.675.
Husi tetu orsamentu ne'e, Parlamentu Nasionál konsege aprezenta proposta adisionál hodi aumenta orsamentu husi billaun US$1.675 sa'e ba billaun US$2 iha debate espesialidade. (*)