Tempotimor (Baukau)-Sekretária Autoridade Munisípiu Baukau, Simão dos Santos Marques Pinhero hatete, projetu Programa Dezenvolvimentu Integradu (PDI) iha Munisípiu Baukau atinji ona pursentu 65.

"Atu hateten de'it katak nia progresaun servisu nia atinji ona 65 pursentu, agora dadaun andamentu no realidade fizika servisu kompañia nafatin ezerse nia funsaun nu’undar parseiru govérnu iha terenu", dehan Simão, kuarta (15/12).

Maske kompañia hahú servisu iha tempu pandemia covid-19 ne’ebé Governu implementa serka sanitária iha Munisípiu Baukau, maibé progresu servisu hatudu di'ak no tuir planu prosesu pagamentu ba kompañia sira tuir sistema free balance selu uluk pursentu-25 iha tinan 2022, tanba atiji ona pursentu-65.

PDI iha Munisípiu Baukau ba tinan 2021 iha projetu-7, hanesan  konstrusaun moru protesaun ba merkadu foun Tuanau-Baukau, rehabilitasaun Sede Suku hamutuk-6 ne’ebé tuir planu sei termina iha tinan 2021. (*)