Print this page

SEKOOP Loke Formasaun Bázika Kooperativa ba CU BALIMA

By December 15, 2021 592
Sekretáriu Estado Kooperativas (SEKOOP), Elizário Ferreira, hamutuk fó hamutuk ho ekipa Sira. Sekretáriu Estado Kooperativas (SEKOOP), Elizário Ferreira, hamutuk fó hamutuk ho ekipa Sira. Foto Suplay

Tempotimor (Díli)-Sekretáriu Estado Kooperativas (SEKOOP), Elizário Ferreira, loke formasaun bázika kona-ba lala’ok kooperativa no fó tomada posse ba estrutura Créditu Uniaun Bazartete Liquiça Maubara (CU BALIMA).

Tuir informasaun ne'ebé www.tempotimor.com asesu iha pájina ofisiál SEKOOP, kuarta (15/12), SEKOOP husu ba kooperativa nia ezistensia la'ós husu osan, maibé produz osan no sosa osan.

“Kréditu Uniaun ne’e moris,  la’ós atu husu osan, maibé fa’an no sosa osan, Créditu Uniaun ninia baze mak membru sira, hodi nune’e tenke asegura ninia membru sira. Ba dirijente kooperativa sira atu labele depende bei-beik ba ema seluk maibé tenke hamriik iha nia ain rasik”, dehan SEKOOP iha Maubara Likisá tersa (14/12).

SEKOOP fó apresiasaun ba inisiativa membru inisiadór sira, maibé mós kontinua dezafia sira, atu labele mate iha dalan klaran, no kooperativa ne’e tenke iha ninia sustentablidade ba futuru, sai hanesan pilar importante ida ba hasa’e kresimentu ekonómia família ka uma-kain nian.

Tanba  save kooperativa atu la’o ba oin dirijnti sira tenke iha onestidade, umildade, atendimentu sira ho simplesidade.

Ba totál kooperativa créditu uniaun iha teritóriu laran tomak hamutuk 150, kobre ona postu administrativu 53

Enkuantu CU BALIMA hari’i iha fulan abril 2020 to’o agora iha ona membru hamutuk ema na’in 49, kompostu husi mane 21, no feto 28, ho kapitál hamutuk osan US$2000.

Nune'e husu ba Estrutura CU BALIMA atu rejistu iha notariadu no rejistu sai membru Federasaun Hanai Malu hodi nune’e bele asesu imprestimu husi ne’eba.

Prezidente Interinu CU BALIMA, Francelina Maria Amelia, sente kontente bele hetan oportunidade parte formadór sira husi Sekretáriu Estado Kooperativa fasilita formasaun bázika kona-ba lala’ok kooperativa nian. 

Tanba ne’e, ba futuru tenke fasilita nafatin formasaun kontinuasaun liliu kona-ba kontabilidade, administrasaun, no finansasa. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items