"Programa ida ne'e atu halo kompleta ne'ebé mak ita hala'o iha iha tinan kotuk kuaze hotu ona, agora dadaun ita tama ba faze ikus liu selesaun ba Inglés ninian ne'e para atu tuir prosedimentu hodi guia ita hodi hala'o knaar ida ne'e, ne'e mak kandidatu ne'ebé mak ita prepara, sira ne'e liu ona teste fíziku remata iha tinan kotuk hamutuk 3714”, dehan DNEE Filomeno Soares ba Jornalista sira iha salaun Ian Martin INFORDEPE, Balide, tersa (14/12).

Teste Inglés báziku, ba traballadór sira ne'e, durante hala'o loron tolu iha parte dader no loraik nian ba kandidatu sira ne'ebé mak liu ona teste fíziku iha tinan 2020 liu ba.

"Teste ne'e sei lakualifikadu ba ema ida, ita halo klasifikasaun teste oin tolu iha ne'e ida ba teste ne'e iha valór ba A ninian, no B nomós valor C nian, simplesmente hodi hatene sira nia koñesimentu iha língua Inglés iha ida ne'ebé?", esplika nia.

Kandidatu Traballadór sira ne'ebé liu ona teste fíziku sei lori sira nia dokumentu ba aprezenta iha diresaun Nasionál empregu exterior halo sira nia profile nasionál atu halo kompletu iha sistema Seasonal Worker Programme nian.

Mesmu ke dadaun ne'e seidauk iha de manda husi kompaña husi Austrália maibé DNEE nia parte kontinua halo preparasaun hodi hein demanda sira seluk.

Nune'e kandidatu Traballadór, Abríl Soares husi Munisípiu Aileu, postu Administrativu AileuViila nia prontu ona atu tuir ezame Inglés ne'ebé prepara ona.

"Ha'u prontu ona, atu tuir Inglés, no iha esperansa boot, planu ne'ebé mak ha'u halo mak atu hadi’a moris, ne'ebé ha'u esforsu nafatin”, hatete nia.

Maibé iha mós krítika kona-ba komisaun sira-nia atendimentu tanba atende kandidatu sira la tuir lista naran ne'ebé taka sai antes.

"Ha'u iha urutan 100, maibé sira komisaun sira la bolu tuir urutan, entaun ema balun mai tarde di'ak, hela," sujere nia.

Tanba antes ne'e komisaun sira fó sai katak sei atende kandidatu sira ne'e tuir númeru rejistu maibé realidade la aplika. (*)