Login to your account

Username *
Password *
Remember Me

PN Deside Aumenta Millaun US$7,5 ba Ministériu Defeza 

Deputadu sira halo diskusaun no aprovasaun hela ba Ministériu Defeza nia iha Parlamentu Nasionál. Deputadu sira halo diskusaun no aprovasaun hela ba Ministériu Defeza nia iha Parlamentu Nasionál. Foto Suplay

Tempotimor (Dili)-Proposta-lei Orsamentu Jerál Estadu (OJE) 2022 ho montante inisial millaun US$1,761.642 ne'ebè aloka ba Ministériu Defeza (MD) ne'e, Parlamentu Nasionál deside aumenta tan Millaun US$7,5 tuir proposta adisionál ne'ebè mak aprezenta husi Komisaun B trata asuntu defeza no seguransa.

Proposta adisionál millaun US$7,5 ne'e hetan aprovasaun ho votu a-favór 50, kontra 0 no abstensaun 14.

“Ho nune'e, Orsamentu Jerál Estadu ba Ministéiru Defeza ho nia alterasaun proposta sira ne'e pasa”,  dehan Prezidente Parlamentu Nasionál (PN), Aniceto Longuinhos Guterres Lopes, iha plenária PN, segunda (13/12).

Purtantu proposta númeru 155 títulu MD, kategória despeza kapitál menór progama ho kódiku 388 defeza nasionál dotasaun inisiál US$1,761.642 ho alterasaun aumenta millaun US$2 nune’e dotasaun finál US$3,761.642. 

Adisionál ne'e ho forma inisiativa kualifika salvaguarda akizisaun ekipamentu komunikasaun no viatura tátiku militár apoiu servisu operasionál F-FDTL.

Kona-ba kategória despeza bens servisu ho programa kodiku 388 kona-ba defeza nasionál dotasaun inisiál millaun US$4,645.42 alterasaun aumenta tan millaun US$3,500 nune’e dotasaun finál millaun US$8,145.542, ho adisionál reparasaun no manutensaun ró Betano no Jaco ho Naval.

Ba kategória despeza katipál dezenvolvimentu dotasaun inisiál millaun US$1,490.250 alterasaun aumenta tan millaun US$1 no adisionál ne’e sei halo estudu dezenvolvimentu F-DTL ba kurtu prazu ba kazerna ofisiál no sarjentu ba komponente sira.

Aleinde ba projetu militár sira seluk hanesan ponte no estrada, estudu postu fronteira terrestre Coba ho Altu Lebo, estudu kompañia militár setór súl iha Ainaro, viabilizasaun sentru lingua portugés iha sentru formasaun Metinaro.

Enkuantu ba kategória despeza kapitál dezenvolvimentu dotasaun inisiál millaun US$1,490.250 alterasuan aumenta millaun US$1. purtantu ba kategória despeza bens servisu iha proprama boa-governasaun instituisionál dotasaun insiál US$1,582.662 alterasaun aumenta tan rihun US$350 no adisionál ne’e atu utiliza ba  fasilita delegasaun F-FDTL atu ba Brazil hodi partisipa  estudu komparativu ho nasaun CPLP iha área defeza.

Antes ne'e, Komite Revizaun Orsamentu Politika (KROP) aloka Orsamentu tinan 2022 ba Ministéiru Defeza (MD) ne'e hamutuk US$10,934,731 ne’ebé fahe ba saláriu vensimentu U$1,404,635, bens servisu US$6,278,204, kapitál menór US$1,761,642, kapitál dezenvolvimentu US$1,490,250, no transferénsia públika laiha.

Husi orsamentu hirak ne’e sei finansia programa tolu (3), sub-programa lima (lima) no atividade 21. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter