Print this page

MAE Kapasita Funsionáriu Baukau Implementa Lei Poder Lokál

By December 13, 2021 628
Ékipa MAE foto hamutuk ho funsionáriu sira hafoin treinamentu iha salaun sentru konvensaun Baukau, segunda (13/12). Ékipa MAE foto hamutuk ho funsionáriu sira hafoin treinamentu iha salaun sentru konvensaun Baukau, segunda (13/12). Foto Tomas Freitas

Tempotimor (Baukau)-Ministéiru Administrasaun Estatál (MAE) liuhusi ékipa diresaun jerál desentralizasaun administrativa kapasita funsionáriu sira iha Munisípiu Baukau atu prepara ba implementasaun lei poder lokál.

Formadór Diresaun Jerál Desentralizasaun Administrativu, Daníel dos Santos hatete, treinamentu atu kapasita funsionáriu sira iha Munisípiu Baukau tuir komprimisiu MAE liliu iha diresaun jerál desentralizasaun administrativa nian.

"Atu kapasita rekursu sira iha Munisípiu Baukau ho nia finalidade mak atu prepara rekursu sira ba iha implementasaun poder lokál", dehan Daníel, segunda (13/12).

Nune'e, Prezidente Autoridade Munisípiu Baukau, Olivio Freitas hatete, treinamentu refere atu prepara funsionáriu sira bele hala'o kna'ar la'o di'ak no prepara sira atu servi povu iha futuru.

"Ha'u hakarak 2022 ba oin sira hotu-hotu iha ona kuiñesementu sira bele kontribui ona buat ruma sira bele ejize ba sira nia diretór sira bele fó servisu ba sira halo kuandu la preparadu sira atu servisu mós tauk-tauk diretór sira fó fali servisu ba sira mós sira labele hala'o ne'ebé tenke liuhusi preparasaun", dehan PAM Baukau

Tanba ne'e, PAM Baukau husu ba funsionáriu sira partisipa masimu iha treinamentu refere atu bele aumenta kapasidade implementa iha fatin servisu.

Treinamentu refere realiza durante loron 5 iha Munisípiu Baukau no tuir tarjetu númeru atu partisipa iha na'in-75. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items