Print this page

SEKOOP Konsege Konklui Problema Movimentu Kooperativa iha Baze

By December 11, 2021 623
Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Lautein)-Sekretária Estadu Kooperativa (SEKOOP) hamutuk ho estrutura halo avaliasaun ba movimentu kooperativa sira konsege konklui problema sira ne'ebé sira hasoru iha baze.

Iha avaliasaun entre SEKOOP ho movimentu kooperativa sira ne'e hala'o liuhusi diskusaun oinsá identifika problema sira hodi rezolve vida kooperativa sira iha futuru mai.

Hafoin identifika, Sekretáriu Estadu Kooperativa (SEKOOP), Elizário Ferreira hatete, liuhusi diskusaun sira konsege konklui no identifika problema sira ne'ebé mak kooperativa sira hasoru.

"Ita ohin diskusaun, ita identifika problema no konklui imi-nia problema sira mak hanesan, kooperativa tenke nakfilak problema ba oportunidade, asegura formasaun no edukasaun ba formadór, lideransa, fiskál, jestór, no kooperativa bázika”, dehan Elizário Ferreira iha Souru Salaun Coconut Oil, Lospalos, kinta (09/12).

Konkluzaun seluk mak, SEKOOP tenke asegura dijitalizasaun ba kooperativa sira, no Governasaun di'ak hodi konfiansa membru sira-nia ba kooperativa sira.

Alende SEKOOP no rekomenda ba movimentu kooperativa sira kontinua halo Assembleia jerál no hala'o planu asaun anuál iha kooperativa nia laran.

"Rekomenda hela ba Kooperativa sira katak, kontinua hala'o assembleia jerál kada fulan ida, ka fulan tolu, hodi aprova relatóriu, no planu asaun, no kontinua submete imi-nia atividade no finanseira ba SEKOOP periodikamente”, informa nia.

Nune'e SEKOOP mós husu nafatin ba dirijente kooperativa sira bainhira hetan ona matéria, kontinua fahe ba membru no fiskál sira atu eleva kualidade kooperativa ba oin. 

Tanba problema barak ne'ebé mak movimentu kooperativa sira enfrenta mak susar atu dezenvolve kooperativa, iha difikuldade boot atu hetan membru sira.

"Kuandu tinan balun mai oin mak kooperativa sira ne'ebé makembru ladún barak ne'e, tau hamutuk hodi kooperativa sira seluk, atu avansa di'ak liután”, hatete nia.

Tanba iha estranjeiru nasaun boot maibé kooperativa produsaun no kréditu uniaun menus no iha Timor-Leste hari’i kooperativa barak mak susar atu dezenvolve. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items