"Inspeksaun konjuntu ne'e finaliza, ha'u hanoin ita bele operasaun, depois halo familiarizasaun ba tryp plantes sira ne'ebé atu jere ró ne'e. Mais ha'u bele garante ho prezensa ró ida ne'e movimentu Ataúru Oekussi ba natal ho tinan foun ita bele fasilita ona ho di'ak", dehan Nia iha Portu Dili, sesta (10/12).
Ho Ró Berlin Ramelau ne’ebé to'o ona iha Portu Dili maizomenus tuku 10:00 dader, ba faze dahuluk sei halo inspeksaun konjuntu husi kompañia ne'ebé halo konstrusaun ba ró, pois konsultan sira , aportil, entidade revante balun.
Ba folin belite ne'e, bazea ba rezolusaun konsellu ministru, maibé seidauk konsege halo desizaun foun, sei uza nafatin folin belite hanesan ró Ramelau no jestaun mak tenke hadi’a halo di'ak.
"Ha'u hanoin pasajeiru ne'ebé Ró ne’e sei tula ema na'in-350 ital, mais ho karreta 15 ita bele tula, portantu ida ne'e mak nia dezaeña kompletamente diferensia", esplika nia.
Fasilidade iha ró refere, fatin ba difisiensia, kaisaun fatin no fatin hothotu tau iha ne'ebá, tanba Ró ninia dezeña ne'e halo bazea ba saida mak sidadaun sira enfreta kona-ba Ró Berlin Nakroma.
"Ita tenta ema halo viajen sei organiza halo nusa, tau mós saúde iha ne'eba atubele hala'o kna’ar, karik ema balun hetan moras ruma, nune'e bele halo asisténsia lalais", hakuir nia.
Enkuantu, ró ne'e finansiamentu husi Governu Alemaña no Governu Timor-Leste. Governu Alemaña fó kuzae millaun 7.8 euro, restu Governu Timor-Leste responsaliza, no totál orsamentu millaun 14.4 euro, ba dolar amerika kuaze millaun 18.
Nune'e, Ró Berlin-Ramelau lansa ona ba tasi-leten ba dahuluk iha segunda (10/5) iha Xina, nu’udar ró daruak hodi fasilita pasajeiru nasionál iha Timor-Leste atu halo viájen.
Projetu konstrusaun ró daruak Berlin-Ramelau ne’e halo iha Xina, ho largura metru 16, kaladu metru 3,3, komprimentu metro 67,3, altura metru 4,8 no sei atinje velosidade másimu 10 to’o 12. Ró ne’e nia konstrusaun kofinansia husi Governu Timor-Leste no Governu Repúblika Federál Alemaña.
Iha serimónia lansamentu dahuluk Berlin-Ramelau ba tasi ne’e partisipa mós husi Embaixadór Timor-Leste iha Xína, Abrão dos Santos no Embaixadór Alemaña ba Xína. (*)