"Tanba ida ne'e mak ema bele la rekoñese setór formál, maibé ita-nia kontribuisaun rekoñesimentu husi Banku Sentrál oferese ba Governu ita kontribui ba Governu pursentu 37 iha ekonomia rai ida ne'e nian”, dehan Elizário Ferreira ba dirijente sira iha salaun Coconut Oil, Suku Souro, Postu Administrativu Lospalos, Munisípiu Lautein, kinta (09/12).

Maske ema barak mak seidauk rekoñese kooperativa sira iha Timor-Leste maibé konstribuisaun ne'e hatudu dadaun ona.

"Ita-nia kontribuisaun seluk mak eduka sidadaun liliu membru kooperativa sira oinsá mak atu halo poupansa”, afirma nia.

Tanba ne'e mak SEKOOP kontinua husu ba dirijente kooperativa sira atu kreativu nafatin hodi kontribui ba Timor-Leste nia dezenvolvimentu iha futuru.

"Dirijente sira tenke kreativu hodi aprende husi kooperativa sira seluk, labele bainhira iha problema liman tau ba bolus”, dehan nia.

Maibé dirijente sira mós presiza hamosu desizaun inovativu hodi bele dada simpatia ema nia atu hola parte iha kooperativa sira hotu teritóriu laran tomak. (*)