"Espetativa ne'ebé mak parte Sekretária Estadu iha nia papel hatene katak sei iha mudansa ba dezenvolvimentu ekonomia sosiál merkadu, tempu besik, ita sei aprende lei ida ba Parlamentu, lei ne'e hanaran lei da baze kooperativa e ekonomia sosiál do merkadu”, dehan Elizário Ferreira iha Salaun Coconut Oil, Suku Souru, Postu Administrativu Lospalos, Munisípiu Lautein, kuarta (08/12).

Tanba lei ne'ebé mak aprezenta ne'e pozitivu ona iha parte kompetente no hein aprezenta ba deputadu sira iha Parlamentu Nasionál.

Dadaun ne'e Sekretáriu Estadu Kooperativa sei rezolve hela probelama kooperativa sira ne'e mak identifika iha kooperativa sira, no Kréditu Uniaun sira, hodi kontribui ba Sustentabilidade Ekonomia iha Timor-Leste.

"Ita mós sei iha espera barak kona-ba mudansa kresimentu ekonomiku, no ita mós espera katak sei iha mudansa ekonomiku sosiu-ekonómiku, no ita mós sei iha kompetisaun as iha negósiu”, afirma nia.

Tanba ne'e mak movimentu Kooperativa sira tenke kontinua fó orientasaun hodi asegura dezenvolvimentu kooperativa ba setór ekonómika ida ne'ebé mak iha Konstitusaun Repúblika Demokrátika Timor-Leste iha Artigu 138.

Nune'e mós Movimentu Kooperativa tenke iha dever atu asegura Governasaun di'ak iha setór kooperativa nian.

Maibé Kooperativa Kréditu Uniaun sira tenke asegura asesu finanseiru ba kooperativa nível empreza kiik sira. (*)