Login to your account

Username *
Password *
Remember Me

SEKOOP Halo Avaliasaun ba Progressu no Problema Kooperativa Sira

Sekretária SEKoop, Maria Isabel Neto, halo epslikasaun hela ba dirijente kooperativa sira iha Soru, Lospalos. Sekretária SEKoop, Maria Isabel Neto, halo epslikasaun hela ba dirijente kooperativa sira iha Soru, Lospalos. Foto Suplay

Tempotimor (Lautein-Sekretáriu Estadu Kooperativa (SEKOOP) hamutuk ho dirijente kooperativa hala'o avaliasaun ba progressu no problema sira iha kooperativa sira iha Timor laran tomak ne'ebé realiza iha Suku Souru, Postu Administrativu Lospalos, Munisípiu Lautein.

Sekretária SEKOOP, Maria Isabel G. Neto hatete, durante ne'e iha pontu lima mak sai dezafiu ka problema iha kooperativa sira.

"Iha pontu lima mak hanesan, kréditu mal paradu, dirijente kooperativa menus koñesimentu iha kontabilida, menus koñesimentu iha kooperativa, menus koñesimentu kona-ba fiskál no menus partisipasaun membru menus”, dehan Maria Isabel ba dirijente kooperativa sira iha salaun Coconut oil, Lospalos, kuarta (08/09).

Tanba ida ne'e mak tenke buka mekanizmu oinsá solusiona problema sira ne'ebé mak hasoru iha kooperativa liliu iha Uniaun kréditu sira.

"Tanba ida ne'e mak presiza iha ezaminasaun, kona-ba jestaun finanseira ba dirijente sira, nune'e mós tenke halo kooperasaun ho autoridade lokál sira to'o nasionál, no hala'o bebeik edukasaun kona-ba reseita, despezas no poupansa familiar”, afirma nia.

Ho ida ne’e, sujere ba dirijente sira tenke kontinua ativu iha formasaun lideransa, no iha ezaminasaun, kona-ba funsaun, no responsabilidade, ka konsellu diretiva nian.

Nune'e mós dirijente sira akumula beibeik, membru kooperativa sira, hodi ko'alia kona-ba dezafiu no progressu ne'ebé kada kooperativa sira hasoru.

Lideransa kooperativa sira mós kontinua halo influénsia ba grupu ka indivídu hodi halo servisu kooperativa nian to'o atinje metas kooperativa ninian.

"Lideransa sira tenke servisu ho ekipa ka indivídu, hodi halo desizaun inovativu no komprehensivu”, informa nia.

Dirijente Kooperativa Inisiativa Haburas Komunidade (IHC), José Soares, husi Postu Administrativu Vemasse husu atu kontinua formasaun hodi lori kooperativa sira ba oin.

"Ami tenke hetan formasaun sira, tanba naran sira ne'ebé kona-ba lideransa sira atu ami bele hatene netik buat ruma, tanba oinsá mak bele lori ne'e ami uza de'it ami-nia hanoin rasik ne'e monu hader mak barak”, dehan nia.

Enkontru avaliasaun ba Kooperativa ne'e hetan partisipasaun másimu husi Sekretáriu Estadu Kooperativa ho nia estrutura, Governadora Banku Centrál Timor Leste no Reprezentante Administradór Munisípiu Lautein, no Polísia Nasionál Timor-Leste inklui dirijente kooperativa sira. (*)

Rate this item
(0 votes)
Last modified on Thursday, 09 December 2021 10:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter