Print this page

FUP Fasilita Esklente Na'in-10 Rekupera Ekonomia Família 

By December 07, 2021 481
Fasilitadór Sentru Feto Haburas Dezenvolvimentu fó treinamentu ba esklente iha salaun Uma Dame, Baukau. Fasilitadór Sentru Feto Haburas Dezenvolvimentu fó treinamentu ba esklente iha salaun Uma Dame, Baukau. Foto Suplay

Tempotimor (Baukau)-Fundasaun Uma Pas (FUP) Baukau liuhusi treinamentu fasilita tan nia esklente na'in-10 atu rekupera ekonomia família.

Diretóra Ezekutivu Fundasaun Uma Pas Baukau Felismena Belo hatete, liuhusi treinamentu ne'e atu rekupa fali ekonomia família ba esklente sira ne'ebé mak rekupera ona husi problema no libre husi justisa.

"Ema na'in-10 mak ami tarjet ami sei hamutuk ho sira indentifika saida mak sira planu sira bele hadi’a sira-nia ekonomia família”, dehan Felismena, iha Baukau, tersa (07/12).

Liuhusi indentifikasaun mós haree ba esklente sira-nia nesesidade hodi fó apoiu hanesan osan hodi halo negósio ki'ik hodi bele rekupera sira-nia ekonomia uma laran.

Tanba, materia ne'ebé mak aprezenta iha treinamentu ne'e ko'alia kona-ba negósio ki'ik no oinsá atu halo planu kona-ba negósiu nian ne'ebé mak di'ak hodi rekupera ekonomia família.

"Ami indentifika konforme sira-nia nesesidade balun halarak obralan, hari’i fatin, balun iha ona kios maibé oinsá maneira para sira-nia kios iha funan di'ak liután entaun nesesidade ki'ik liu ne'e US$ 200 boot liu ne'e US$500”, afirma nia.

Espera liuhusi treinamentu ne'e fó fiar ona ba esklente sira oinsá zere sira-nia osan hodi hetan rendimentu di'ak atu sustenta sira-nia ekonimia uma laran.

Nune'e esklente, Maria das Dores Gusmão, sente kontente ho apoiu ne'e, tanba bele rekupera ekonomia família liuhusi dalan negósiu.

"Importante mak osan bele loke kios fa'an sasán kios nian, pelu menus kios boot oituan", katak nia.

Enkuantu esklente na'in-10 husi Postu Administrativu Buakau Vila, Vemase, Venilale no Kelikai ne'ebé mak rejistu iha baze dadus FUP Baukau hodi hetan apoiu loke negósiu ki'ik.

Nune'e esklente na'in-10 rejistu husi kazu violénsia doméstika inklui kazu paternál, ne'ebé mak esklente sira deside ona atu moris mesak, tanba antes ne'e mós esklente pur-volta na'in-50-resin mak FUP Baukau servisu hamutuk Organizasaun AJAR  apoiu ona fundu hodi loke negósiu ki'ik.

Entertantu treinamentu ne’e hala’o durante loron 2 iha salaun Uma Dame Uatulete Buakau ho fasilitadór husi Sentru Feto Haburas Dezenvolvimentu (CFHD). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items