"Ita hotu hatene katak programa sesta bázika ne'e remata tiha ona, Governu laiha planu atu renova planu ida ne'e, tanba nia ezekusaun kria mós dekretu lei ida, dekretu lei foun ida atubele hamosu programa sesta bázíka ida ne'e, tanba iha pasadu programa sesta básila hetan krítika oioin", dehan nia iha debate orsamentu jerál estadu 2022, iha Parlamentu Nasional, tersa (07/12).

Tanba ne'e mak la halo sentidu renova filafali, maibé husi perspetiva ekonomika, bele dehan proposta ida ne'e di'ak no husu deputadu sira bele tetu e aprova dotasaun ida ne'e.

"Ita diresiona programa ida ne'e ho di'ak liután, para nia tarjetu ne'e mós kona duni ba ema sira ne'ebé kbi’it la’ek, ema sira ne'ebé hamblaha", esplika nia.

Maibé nia ezekusaun ne'e la hanesan sesta bázika, tanba hamosu problema barak iha pasadu, no Governu sei halo programa ida ne'e liuhusi perseria Internasionál UNDP,  ajensia nasaun unida sira-nian, atu sira mós envolve iha laran. 

Entretantu totál orsamentu ba Sekretária Estadu Kooperativa (SEKoop) hamutk rihun US$4.65.547, ne'ebé aloka ba saláriu vensimentu US$684.394, bens no servisu rihun US$2,371,153, transferénsia públiku rihun UD$1,500,000, kapitál minor rihun US$50,000

Enkuantu, kapitál dezenvolvimentu US$0, no osan ne'ebé sei tau ba programa 028 dezenvolvimentu rurál no urbana hamutuk tokon US$2,514,024. 

Programa 510 boa governasaun jestaun institusional US$2,92.523, dotasaun finál da kategória rihun US$41.5000, dotasaun inisial totál kategória despeza rihun US$1,5000 no dotasaun  finál totál kategória despeza tokon US$41,5000.

Nune'e, rdtasaun inisial atividade rihun US$8,000, alterasaun US$40,000, no dotasaun finál atividade US$40,8000. (*)