Login to your account

Username *
Password *
Remember Me

Taur Agradese Deputadu sira Aprova OJE 2022 iha Jeneralidade

Deputadu sira Partisipa hela diskusaun iha plenaria Parlamentu Nasional. Deputadu sira Partisipa hela diskusaun iha plenaria Parlamentu Nasional. Foto Suplay

Tempotimor (Díli)-Primeiru Ministru (PM), Taur Matan Ruak, agradese ba deputadu sira iha Parlamentu Nasionál (PN) tanba konsege aprova ona Orsamentu Jerál Estadu (OJE) tinan 2022 iha jeneralidade ne'ebé Governu aprezents iha PN.

"Tanba ne’e, ha’u hakarak agradese ba Señora no Señor Deputadu sira hotu, ba imi-nia partisipasaun séria, konstrutiva no empeñada durante loron tolu debate iha jeneralidade, ne’ebé ita liu ona”, dehan Taur Matan Ruak bainhira hato'o nia intervensaun iha Parlamentu Nasionál, sesta (03/12).

Primeiru Ministru mós kontinua husu ba membru Govenru atu kontinua serbisu hamutuk hodi alkansa konsensu iha alterasaun ba proposta lei sira.

"Ha'u hakarak mós espressa VIII Governu Konstitusionál ninia vontade ne’ebé firme hodi kontinua servisu ho Parlamentu Nasionál, iha debate espesialidade, hodi alkansa konsensu nesesáriu sira atu nune’e alterasaun sira ne’ebé atu introdús bele fó kualidade ne’ebé di’ak liu iha versaun ikus proposta Lei ne’e”, dehan nia.

Tanba ne’e, hamutuk mak bele hetan solusaun sira ne’ebé adekuada no nesesária liu, hodi hahú fali ho lais iha dalan foun ba kreximentu ekonómiku ne’ebé bele fó resposta konkreta no solidária hodi hasa’e Povu nia kondisaun moris no dezenvolvimentu sustentável aís nian.

Ho ida ne’e, sai oportunidade ida ba Governu atu hasa'e investimentu sira ne'ebé Govenru prepara ona ba programa VIII konstitusionál iha Timor-Leste.

"Oportunidade ida atu hasa’e investimentu iha kapitál sosiál, edukasaun, formasaun profisionál, saúde, hela fatin no iha inkluzaun sosiál, hodi tau sidadaun iha sentru atividade governativa”, afirma nia. (*)

Rate this item
(0 votes)
Last modified on Saturday, 04 December 2021 18:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter