"Setór ida informál ne'e setór ida importante, maibé se hanesan ema organizadór la forsa ita-nia setór nafatin hela informál, SEKoop iha nia alterasaun ba lei orgánika introdúz katak, atu organiza, mobiliza, no monitoriza inklui akompaña no fasilita kooperativa mikro no empreza ki'ikoan sira”, dehan Elizário Ferreira iha lansamentu relatóriu peskiza servisu setór informál Timor-Leste, iha Salaun JL Vila, Aimutin, sesta (03/12).

Tanba iha Konstitusaun Repúblika Demokrátika Timor-Leste (K-RDTL) haforsa Sekretáriu Estadu Kooperativa atu promove atividade mikro pekena empreza no mediu sira inklui mós kooperativa sira.

Atu asegura servísu setór informál ne'e iha Konstitusaun artigu 138 ne'ebé deklara katak organizasaun fahe ba forma tolu mak setór públiku, privadu no kooperativa.

Iha inisiativa kooperativa katak, komunidade mak tenke iha inisiativa, no tuir mós artigu 50 Konstitusaun ne'ebé hateten katak estadu promove no kria kooperativa nu'udar meius atu kria kampu de traballu.

Diretór OXFAM, Fausto Belo Ximenes hatete, sei kontinua serbisu hamutuk ho komunidade povu nomós governu iha setór ekonomia liuhusi polítika justu no sustentável no inkluzivu.

"Ami sei servísu hamutuk ho komunidade no Governu hodi haforsa rezelensia ba populasaun li liu iha situasaun alterasaun klimatika ami mós iha igualidade jéneru nomós empoderamentu feto”, dehan nia.

Rezultadu Peskiza ne'ebé OXFAM hamutuk Mata Dalan Institute (MDI) mak fatin ne'ebé setór informál, pursentu 49 laiha fatin rasik atu halo negósiu no inklui pursentu 20 Estadu mak sasilita.

Setór informál iha pursentu 17 mak okupa rai Estadu nian hodi halo negósiu, pursentu 5 mak aluga ema seluk nia rai no pursentu 5 mak aluga propriedade  estadu nian.

Fonte finansiomanentu ne'ebé setór informál, pursentu 56 mak uza osan rasik, pursentu 2 mak uza osan husi família, pursentu 2 mak tulun husi ema, pursentu 18 mak empresta osan husi kooperativa sira, empresta osan husi parte seluk iha pursentu 9, empresta osan husi ema seluk iha pursentu 2 no pursentu 11 mak empresta osan husi Banku sira.

Setór informál katak mikro pekena empreza ne'ebé hala'o atividade iha dalan ninin inklui mós tiga roda, no atividade negósiu ne'ebé la rejista iha serve. (*)