Login to your account

Username *
Password *
Remember Me

PN Aprova Proposta Lei OJE 2022 Billaun US$1.6 iha Jeneralidade, CNRT Abstein

Primeiru Ministru, Taur Matan Ruak, partisipa hela debate OJE 2022 iha plenária Parlamentu Nasionál foin lalais ne’e. Primeiru Ministru, Taur Matan Ruak, partisipa hela debate OJE 2022 iha plenária Parlamentu Nasionál foin lalais ne’e. Foto Suplay

Tempotimor (Dili)-Parlamentu Nasionál (PN) sesta (03/12), aprova Proposta Lei Orsamentu Jerál Estadu (OJE) 2022 honmontante billaun US$1.6, iha diskusaun jeneralidade.

Maibé bankada Congresso Nacionál de Reconstrução de Timor (CNRT) deside mantein vota absteisaun ba OJE 2022.

Rezultadu votasaun ba proposta-lei OJE 2022 ne'e, hetan votu a-favor husi deputadu 44, no votu absteinsaun 21 husi deputadu bankada CNRT.

Hafoin finaliza aprovsaun, Prezidente Parlamentu Nasionál (PN), Aniceto Longuinhos Guterres Lopes hatete, tuir prosedimentu, parlamentu sei hakat ba diskusaun no aprovasaun ba OJE iha faze espesialidade.

"Distintu deputadu, rezultadu votasaun afavor 44, kontra 0 no absteinsaun 21, nune'e proposta de lei númeru 35/V (4a) OJE 2022 pasa iha jeneralidade”, dehan nia iha PN, sesta (03/12).

Tuir kalendáriu diskusaun no aprovasaun espesialidade ne'e sei hala'o durante loron 10, hahú husi loron segunda (06/12) to'o loron kuarta (15/12).

Proposta lei Orsamentu Jerál Estadu (OJE) 2022 ne'e ho montante billaun U$1.6 ne’ebé aprova iha jeneralidade aloka ba programa prioridades nasional 6 hanesan Setór produtivu sira (Agrikultura no Turizmu), Ambiente no Konetividade ho alokasaun 27%, Abitasaun no Inkluzaun Sosiál 22%, Boa Governasaun 12%, Dezenvolvimentu Kapitál Umanu 10%, Dezenvolvimentu Rurál 3% no Dezenvolvimentu Setor Privadu 0,5%. Purtantu, ba funsionamentu mákina Estadu ne'e hetan alokasaun 18% no atividade seluk kuaze 8%.

Aleinde tuir klasifikasaun ekonómiku aas liu mak iha Transférensia Públika ho montante tokon US$565,9. Bens no Servisus tokon US$449,8. Kapitál Dezenvolvimentu tokon US$401.7. Saláriu no Vensimentu tokon US$233 no Kapitál Menor tokon US$24,4.

Deputada Bankada CNRT, Vergina Ana Belo konsidera, proposta orsamentu ne’e sei la fó esperansa ba povu, liliu ba joven sira tanba laiha planu orsamentu konkretu ba kriasaun kampu servisu. 

"Osan barak liu gasta ba mákina Estadu do que ba nesesidades povu”, dehan nia.

Bankada CNRT foti ezemplu ida mak iha alokasaun OJE 2022 kuaze 80% mak Governu uza ba sei selu de'it saláriu no vensimentu, bens no servisus, Kapitál menor no transferénsia públika ne’ebé iha limitasaun atu kria kampu servisu kompara ho orsamentu ba kapitál dezenvolvimentu.

Tanba ne'e, Governu ne’e sei lori osan bens servisus nian hodi rekruta kuadru no militante partidu nian ho saláriu boot (US$3,500 to’o US$6,000/fulan). (*)

Rate this item
(1 Vote)
Last modified on Friday, 03 December 2021 21:31
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter