Print this page

Uma Ka’in-64 iha Laisorulai Husu Solar Painel ba MOP Laiha Rezultadu

By December 02, 2021 725
Xefe Suku Laisorulai de Baixo, Julio Farkhus Pinto. Xefe Suku Laisorulai de Baixo, Julio Farkhus Pinto. Foto Tomas Freitas

Tempotimor (Baukau)- Xefe Suku Laisorulai de Baixo, Postu Administrativu Kelikai, Munisípiu Baukau, Julio Farkhus Pinto informa, iha uma ka’in-64 seidauk asesu ba eletrisidade, nune’e husu ona solar painel ba Ministéiru Obras Públiku (MOP), maibé to’o agora laiha rezultadu pozitivu ruma.

"Aldeia-4 ne'e komunidade maioria asesu ona ba eletrisidade, falta uma ka’in-64 mak seidauk asesu ba eletrisidade", dehan julio, kinta (02/12).

Uma kain-64 seidauk asesu ba eletrisidade, tanba dook husi liña eletrisidade, nune’e halo ona karta ba Ministéiru Obras Públiku liuhusi diresaun solar panel atu distribui solar panel ba sira liuhusi tenderizasaun, maibé to'o ohin loron seidauk loke tenderizasaun ba kompaña.

Kestaun ne’e, kontinua husu ba MOP atu aselera distribuisaun solar panel ba komunidade sira hodi bele asesu mós naroman.

"Sira seluk asesu ona liña eletrisidade, agora iha hela familia-64 la asesu ba eletrisidade ne'e, signifika ita la iha parsial", nia akresenta. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items