To’os na’in ne’e, mai husi Postu Administrativu Baukau Vila, Vemasse, Venilale, Laga, Kelikai no Bagia.
Diretór Servisu Agrikultura Munisípiu Baukau, Moises Lobato Pereira hatete, fini batar variedade-2 ne'ebé apoiu ba to'os na'in sira ne’e, hanesan fini noimutin no sele.
"Ita hahú distribui fini batar pur-volta tonelada-25 ba ita nia komunidade sira iha postu neen fahe variedade-2 ida sele ida noimutin", dehan Moises, tersa (30/11).
Fini batar ne'ebé iha armajenamentu Baukau laiha ona, tanba distribui hotu ona ba to’os na’in sira.
Apoiu ne’e, iha vantajem ne'ebé di'ak, tanba augueta iha bai-loron no mós kualidade di'ak, bainhira iha fulin bo'ot no musan di'ak bele asesu iha merkadu.
"Fulan-3 de'it ita bele koilleta ona, agora ita kuda iha novembru, marsu hanesan ne'e ita bele koilleta ona", nia afirma
Maibé, iha parte balun ne'ebé besik tasi, hanesan postu Laga sorin, Baukau sorin, Kelikai sorin, Vemasse sorin seida'uk bele kuda, tanba menus iha udan been.
Entertantu benefisiáru hetan fini batar husi MAP, servisu Agrikultura Munisípiu Baukau seida'uk hetan dadus husi extensionista sira husi suku 59. (*)
