"Projetu pilotu ne'ebé parte Sekretariu Estadu kooperativa estabelese Kooperativa 56 mak sei hola parte iha programa dijitalizasaun ne'e Kooperativa hotu hamutuk 114 kréditu Uniaun sei hetan akompañamentu husi Banku Sentrál”, dehan Eliziário Ferreira iha Salaun Parokiál Imaculada Coração de Maria, Postu  Administrativu Maubisse, Munisípiu Ainaru, segunda (29/11).

Kooperativa kréditu Uniaun (CU) sira iha Timor-Leste sei asesu hotu programa dijitalizasaun ne'ebé prepara husi Banku Sentrál Timor-Leste (BCTL).

Alende ne'e SEKoop husu ba Timoroan hotu tenke hatene rai osan ka poupa osan, labele gasta arbiru tanba rai osan ba futuru ne'e importante tebes.

"Tanba poupansa ne'e serbisu ida la fásil, servisu ida todan ema prefere gasta osan la prefere poupa osan tan ne'e, loron poupansa nasionál ne'e atu eduka ema hothotu, atubele poupa hodi bele asegura futuru ba família sosiedade liliu ba oan sira nia futuru di'ak nian”, afirma nia.

Alende ne'e Vise Prezidente Kooperativa Produsaun Multisetorál (CPM), Munisípiu Ainaru, Wilsom Nivio Maria Pereira Mendonça hatete, fulan hirak liuba alerta ona ba kooperativa rasik nia membru sira kooperativa sira oinsá mak bele utiliza Karteira Eletrónika para aban bairua bele hafasil servisu.

Tanba ne’e, membru kooperativa sira tenke iha Karteira Eletrónika atu hafasil transasaun sira la presiza to'o fatin kooperativa maibé sira iha de'it fatin bele manda osan iha Kooperativa liuhusi Karteira Elektrónika de'it.

Maibé agradese ba SEKoop tanba pedidu ne'ebé mak hato'o hetan ona nia rezultadu pozitivu liuhusi nota entendimentu nune'e iha esperansa sei aplika dijitalizasaun tuir sira-nia hakarak.

Tanba aplikasaun dijitalizasaun no Karteira Eletrónika bele fasilita kréditu sira iha kooperativa sira-nian.

"Bele hafasil sira halo sira-nia transferénsia pagamentu ba Kréditu ruma ne'ebé iha bele liuhusi tems dijitál tanba ema barak ne'e mak serbisu sira laiha tempu atu ba kooperativa halo pagamentu maibé bele liuhusi Karteira Eletrónika”, dehan nia.

Alende ne'e Karteira Eletrónika ne'ebé estabelese husi BCTL ne'e fssilts estudante sira ne'ebé iha kapitál labele la'o to'o mai suku hodi foti osan maibé liuhusi de'it Karteira Eletrónika.

Karteira Eletrónika ne'e fasilita husi Kompaña Telemor liuhiis Mosan no iha aplikasaun seluk ne'ebé mak Fasilita pagamentu transferénsia sira. (*)