Print this page

SEKoop Esforsu Hadi’a Dezafiu Kooperativa ba Oportunidade 

By November 27, 2021 664
Sekretáriu Estadu Kooperativa (SEKoop), Elizário Ferreira, hetan entrevista iha Baukau. Sekretáriu Estadu Kooperativa (SEKoop), Elizário Ferreira, hetan entrevista iha Baukau. Foto Tempo Timor

Tempotimor (Baukau)-Sekretáriu Estadu Kooperativa (SEKoop), Elizário Ferreira, konvoka estrutura kada kooperativa sira iha Munisípiu Baukau, Vikeke no Lautein ne'ebé halo espozisaun produtu iha komemorasaun loron 28 Novembru ba dala-46 iha Aldeia Darsula, Suku Gariuai, Postu Administrativu Baukau Vila, Munisípiu Baukau.

Sekretáriu Estadu Kooperativa (SEKoop) Elizário Ferreira hatete, sei kontinua nafatin esforsu atu hadi’a kooperativa sira-nia dezafiu hodi hakatak ba oportunidade.

"Ita nafatin kontinua esforsu atu halo mudansa ba servisu kooperativa sira durante ne'e no ita hakarak mak muda dezafiu sira ba oportunidade" dehan Elizário Ferreira ba estrutura Kooperativa sira iha Restaurante Amalia, Baukau, sábadu (27/11).

Tanba Estrutura Kooperativa barak mak sei presiza hetan formasaun iha área lideransa nomós akuntabilidade atu lidera kooperativa sira ba oin.

Tanba koñesimentu sira iha Lideransa la másimu mak presiza atu eleva koñesimentu sira.

Nune'e Prezidente Kooperativa Hadia Família (HAFA) husi Munisípiu Vikeke, Cheleste da Costa Sarmentu Guterres, husu ba SEKoop presiza atu fó formasaun ba nia membru no lideransa sira.

"Ami mós presiza nafatin formasaun husi SEKoop tanba ami iha área rurál tanba ne'e ami-nia kooperativa ne'e ema matenek la dun barak”, dehan Cheleste.

Alende ne'e mós Kooperativa HAFA mós husu ba Sekretáriu Estadu Kooperativa atu prepara mós edifísiu ba sira tanba dadaun ne'e seidauk iha Edifísiu ba Kooperativa refere. (*)

Rate this item
(1 Vote)
Last modified on Saturday, 27 November 2021 19:16
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items